ކައުންސިލް އިންތިހާބުގައި ޖޭޕީގެ ތާއީދު ޕީއެންސީ ކެންޑިޑޭޓުންނަށް

ކުރިއަށް އޮތް ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުގެ އިންތިހާބުގައި ޖުމްހޫރީ ޕާޓީން ޕީއެންސީގެ ކެންޑިޑޭޓުންނަށް ތާއީދު ކުރަން މިއަދު ނިންމައިފި އެވެ.

ވީ ކިހިނެއް؟ - މިއަދު ބޭއްވި އެ ޕާޓީގެ ކައުންސިލް ބައްދަލުވުމުގައި ނިންމީ އިންތިހާބުގައި ހަމައެކަނި އދ. މާމިގިލި ދާއިރާއަށް ވާދަކުރުމަށެވެ. އެއީ ޕާޓީގެ ލީޑަރު ގާސިމް އިބްރާހިމް ނިސްބަތްވެވަޑައިގަންނަވާ ދާއިރާ އެވެ.

ތަފްސީލް - ޖޭޕީގެ ކައުންސިލުން ނިންމީ އިންތިހާބުގައި އެހެން ދާއިރާއަކަށް ޕީއެންސީގެ ފަރާތުން ވާދަކުރާ ކެންޑިޑޭޓުންނަށް ތާއީދު ކުރުމަށެވެ.

އަންނަ 4 އޭޕްރީލްގައި ބާއްވާ އިންތިހާބުގައި ޕީއެންސީގެ އިތުރުން އިދިކޮޅު އެމްޑީޕީ އާއި ޑިމޮކްރެޓްސްއިން ވާދަކުރާނެ އެވެ. ޕީއެންސީ އާއި އެމްޑީޕީގެ ޕްރައިމަރީ ބާއްވާ ވާދަކުރާނެ ކެންޑިޑޭޓުން ވެސް ވަނީ ކަނޑައަޅައިފަ އެވެ.