ހަސަން ޝާކިރު، ރަސްމިއްޔާތެއްގައި ވާހަކަދައްކަވަނީ
ހަސަން ޝާކިރު، ދިވެހި ބަހުގެ އެކެޑަމީގެ ރައީސަކަށް
ދިވެހި ބަހުގެ އެކެޑަމީގެ ރައީސަކަށް ހަސަން ޝާކިރު ހޮވިވަޑައިގެންފި އެވެ.
ވީ ކިހިނެއް؟ - ޝާކިރު، އެކެޑެމީގެ ރައީސަކަށް ހޮވިވަޑައިގަތީ އެ މަގާމުގައި ހުންނެވި ޑރ. އަޝްރަފް އަބްދުއްރަހީމް އިސްތިއުފާ ދެއްވުމުން މަގާމަށް ބޭފުޅަކު އައްޔަން ކުރުމަށް އެކެޑެމީގެ މެންބަރުންގެ މެދުގައި ނެގި ވޯޓު ކާމިޔާބުކުރައްވައިގެންނެވެ.
ތަފްސީލް - ޝާކިރަކީ ކުޅަދާނަ ޅެންވެރިއެއްގެ އިތުރުން ލިޔުންތެރިއެއް ވެސް މެއެވެ.
އޭނާއަށް ވަނީ ޅެންވެރިކަމުގެ ދާއިރާއިން 1998ގައި އާންމު ހިދުމަތުގެ ހިތްވަރު ދިނުމުގެ އިނާމު ލިބިވަޑައިގެންފަ އެވެ. މީގެ އިތުރުން
-
ދިވެހި އަދަބިއްޔާތަށް ހިދުމަތް ކުރުމުގެ ދާއިރާ އިން ދިވެހި ބަހުން ވާހަކަދެއްކުންތެރިކަމުގެ ރޮނގުން ހިތްވަރު ދިނުމުގެ އިނާމު 2007ގައި
-
ދިވެހިބަހާއި އަދަބިއްޔާތުގެ ދާއިރާއިން ޝަރަފުވެރިކަމުގެ ގައުމީ އިނާމު 2022ގައި
ޝާކިރު ގެންދަވަނީ އޭނާގެ ހަނދާންތަކުގެ މައްޗަށް ބިނާކުރައްވައި ފޮތްތައް ވެސް ލިއުއްވަމުންނެވެ.
މީގެ އިތުރުން
-
ޝާކިރުގެ އެޑިޓަރު ކަމުގައި ބައެއް ނޫސް މަޖައްލާ ނެރުނު
-
ސަރުކާރުގެ ބައެއް މުއައްސަސާތަކާއި، އާންމުންނަށް އަދި ދަރިވަރުންނަށް އެކި މުނާސަބަތުތަކާ ގުޅޭ ގޮތުންނާއި މުބާރާތްތަކަށް ލަވަ އާއި ޅެން އަދި މަދަހަ ހައްދަވައިދެއްވާ
-
ދިވެހިބަހާއި އަދަބިއްޔާތުގެ ދާއިރާގެ ފޮތްތައް ލިއުއްވި