ޕީއެންއެފްގެ ރައީސަކަށް ޔާމީން، ނައިބަކަށް ދަރިކަލުން ޒޭން އާއި ޖަމީލް

ޕީޕަލްސް ނެޝަނަލް ފްރަންޓް (ޕީއެންއެފް)ގެ ފުރަތަމަގައުމީ ޖަލްސާ ބާއްވާ، ޕާޓީގެ ރައީސަކަށް ކުރީގެ ރައީސް އަބްދުﷲ ޔާމީން މިރޭ އިންތިހާބުކޮށްފި އެވެ.

ވީ ކިހިނެއް؟ - އާޓިފިޝަލް ބީޗުގައި އޮތް ގައުމީ ޖަލްސާގައި ޕީއެންއެފްގެ ރައީސްގެ މަގާމަށް ކުރިމަތިލެއްވީ ޔާމީން އެކަންޏެވެ.

ތަފްސީލް - މިރޭގެ ކޮންގްރެސްގައި ޕާޓީގެ ދެ ނައިބު ރައީސުންގެ އިތުރުން ރެޖިސްޓްރާ އަދި ސެނެޓުގައި ތިބޭ 14 މެންބަރުން ވެސް އިންތިހާބުކުރި އެވެ.

ޕީއެންއެފްގެ ނައިބު ރައީސުންނަށް ހަމަޖެއްސީ ޔާމީންގެ ދަރިކަލުން ޒޭން އަބްދުﷲ ޔާމީން އާއި ޔާމީންގެ އިސް ވަކީލު އަދި ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދެވެ.

ޕާޓީގެ އިސް މަގާމުތަކަށް ދެން އިންތިހާބުކުރި ބޭފުޅުންގެ ތެރޭ ހިމެނެނީ:

ޕީއެންއެފްގެ ރެޖިސްޓްރާގެ މަގާމަށް ނިހާދު މުހައްމަދު އަލީ (ޕެރިސް) އާއި އަލީ ޝިޔާން ނާޝިދު ވާދަކުރެއްވި އިރު 219 ވޯޓުން ކާމިޔާބުކުރެއްވީ ޝިޔާން އެވެ. ނިހާދަށް ލިބުނީ 117 ވޯޓެވެ.

ޕާޓީގެ ސެނެޓަށް 48 މީހުން ކުރިމަތިލީއިރު އެ މަގާމުތަކަށް ހޮވުނު 14 ބޭފުޅުންނަކީ:

މިރޭގެ ޖަލްސާގައި ޔާމީން ވަނީ އެމަނިކުފާނުގެ ކެޕްޓަންކަމުގައި ޕާޓީ ކުރާ ދަތުރުގައި ފަޅުވެރިންގެ ފަރާތުން އެއްބާރުލުމަށް އެދިވަޑައިގެންފަ އެވެ. އެމަނިކުފާނު ވިދާޅުވީ އަރިހުގައި ޕާޓީގެ މަސައްކަތުގައި އިސްކޮށް ތިއްބެވީ ވަފާތެރިން ކަމަށެވެ.