ނަސްރު ބޯޓު އަޑިއަށް ދިޔުން: މެމްބަރު އައްބާސް، ފޮއްދުއަށް ކާޑު ހަދިޔާކޮށްފި

މިދިޔަ ހުކުރު ދުވަހު އަޑިއަށް ދިޔަ، ނަސްރު ބޯޓުން މާލީ ގޮތުން ގެއްލުން ލިބުނު ނ. ފޮއްދޫގެ މީހުންނަށް އެހީވުމަށް، ރައްޔިތުންގެ މަޖިލީހުގެ ވެލިދޫ ދާއިރާގެ މެމްބަރު މުހައްމަދު އައްބާސް އެ ރަށަށް ކާޑުގެ ބާވަތްތައް ހަދިޔާ ކުރައްވައިފި އެވެ.

ވީ ކިހިނެއް؟ - އުތުރުގެ ގިނަ ރަށްތަކަށް މުދާ އުފުލާ ނަސްރު ބޯޓަކީ، ފޮއްދޫ މީހުން ވެސް މުދާ ގެންނަ ބޯޓެވެ. ކޮޅިގަނޑެއްގައި ޖެހި ހުކުރު ދުވަހު ބޯޓު އަޑިއަށް ދިޔައީ، އެ ރަށުގެ ގިނަ ފިހާރަތަކާއި އާއްމު މީހުންގެ ވެސް މުދަލާ އެކުގަ އެވެ.

"މި ރަށު މީހުން އެރުވި މުދަލުގެ އަގު ގާތްގަނޑަކަށް 80،000-100،000ރ.އަށް އަރާނެ. ކާޑުގެ ބާވަތްތައް ވެސް އޭގައި ހުންނާނެ،" ފޮއްދޫ ކައުންސިލްގެ ރައީސް މުހައްމަދު މޫސާ ވިދާޅުވި އެވެ.

ތަފްސީލް - އޭނާ ވިދާޅުވީ:

އެނގުން މުހިއްމު - ހދ. ނޭކުރަންދޫ މީހަކު ދުއްވާ ނަސްރު ބޯޓު އަޑިއަށް ދިޔައީ، މާލެއިން ފުރައިގެން ޅ. ނައިފަރަށް ދަތުރުކުރަނިކޮށެވެ. އެކި ރަށްރަށުގައި ޖައްސާ މުދާ ބާލުވާ އެ ބޯޓު، ކުމުންދު އާއި ނޭކުރެންދޫގެ އިތުރުން އެ އަތޮޅު ވައިކަރަދު އާއި ކުރިނބީއަށް ވެސް ދިޔުމަށް އޮތީ ހަމަޖެހިފަ އެވެ.

ބޯޓު އަޑިއަށް ދިޔައިރު، އެއިން ދަތުރު ކުރި ފަސް މީހުންގެ ތެރެއިން ހަތަރު މީހުންނަށް އަނިޔާވި އެވެ.

އެނގިފައިވާ ގޮތުގައި އަޑިއަށް ދިޔަ ބޯޓުން އުތުރުގެ ރަށްރަށުން ގިނަ އަދަދެއްގެ މުދާ ބަރުކުރި އެވެ. ބައެއް ރަށްރަށަށް ގެންދަން އެރުވި މުދަލުގެ އަގު މިލިޔަނަކަށް އަރާ ކަމަށް ވެސް ބައެއް ނޫސްތަކުން ރިޕޯޓުކޮށްފައިވެ އެވެ.