އުވާލި ބްރޯޑްކޮމްގެ ބައެއް މެންބަރުން ހިމެނޭ ގޮތަށް 10 މީހަކު މީޑިއާ ކޮންޓްރޯލް ކޮމިޝަނަށް ކުރިމަތިލައިފި

އުވާލި ބްރޯޑްކާސްޓިން ކޮމިޝަން (ބްރޯޑްކޮމް)ގައި ތިއްބެވި ތިން މެންބަރުންނާއި އުވާލި މީޑިއާ ކައުންސިލްގެ މެންބަރެއް ވެސް ހިމެނޭ ގޮތަށް 10 މީހަކު މީޑިއާ ކޮމިޝަނަށް ކުރިމަތިލައިފި އެވެ.

ވީކިހިނެއް؟ - ބްރޯޑްކޮމް އާއި މީޑިއާ ކައުންސިލް އުވާލުމަށް ފަހު ސަރުކާރަށް މީޑިއާތައް ކޮންޓްރޯލްކުރެވޭ ގޮތަށް އަލަށް އުފެއްދި 'މީޑިއާ އެންޑް ބްރޯޑްކާސްޓިން ކޮމިޝަން' އަށް ރައްޔިތުންގެ މަޖިލީހުން ތިން މެންބަރަކު ކަނޑައަޅަން ޖެހެ އެވެ.

ރައްޔިތުންގެ މަޖިލީހުން ކަނޑައަޅާ ތިން މެންބަރުންގެ މަގާމަށް ކުރިމަތިލި މީހުންގެ ނަންތައް މިއަދު ކުރިއަށްދާ މަޖިލީހުގެ ޖަލްސާއަށް ވަނީ އިއްވައިފަ އެވެ.

ތަފްސީލް - ޖުމުލަ 10 މީހުން މީޑިއާ ކޮންޓްރޯލް ކޮމިޝަނަށް ކުރިމަތިލިއިރު އޭގެ ތެރޭގައި ހިމެނޭ، ބްރޯޑްކޮމްގައި ތިއްބެވި ތިން މެންބަރުންނަކީ:

މީގެ އިތުރުން އުވާލި މީޑިއާ ކައުންސިލްގެ ނައިބު ރައީސްގެ މަގާމު ފުރުއްވި އިބްރާހީމް މުހައްމަދު، ގ. ވިންޑް ވެސް ކުރިމަތިލަައްވާފައިވެ އެވެ.

ދެން ކުރިމަތިލެއްވި މީހުންނަކީ:

ފާހަގަކޮށްލެވޭ - އެމްއެމްސީގެ ކުރީގެ ނައިބު ރައީސް އިބްރާހީމް މުހައްމަދު ކުރިމަތިލެއްވި އިރު، އެ ތަނުގެ ރައީސަކަށް ހުންނެވި ހުސައިން ސަގީފް ވަނީ މީޑިއާތަކުން އިންތިހާބުކުރާ ހަތަރު މެންބަރުންގެ ތެރެއިން މާގަމަށް އިންތިހާބުވެފަ އެވެ.

އަދި އެއިން މަގާމަކަށް އުވާލި ބްރޯޑްކޮމްގެ މެންބަރަކަށް ހުންނެވި ޒަމްއަތު ވަހީދު ވެސް ވަނީ އިންތިހާބުވެފަ އެވެ.

މީޑިއާތަކުން އިންތިހާބުކުރާ ހަތަރު މަގާމަށް ވެސް ހަތަރު މީހުން ކުރިމަތިލުމުން އެ މީހުން އިންތިހާބުވީ ވޯޓަކަށް ނުގޮހެވެ. އެ މީހުންނަކީ:

ގުޅުން ހުރި - މީޑިއާ ކޮންޓްރޯލްކުރާ ގާނޫނު ގާނޫނަކަށްވުމުގެ ކުރިންް، މަޖިލީހުގެ މިނިވަން މުއައްސަސާތަކުގެ ކޮމިޓީއަށް ބިލު ދިރާސާކުރުމަށް ބްރޯޑްކޮމްގެ މެންބަރުންގެ ހިޔާލު ހޯދި ބައްދަލުވުމުގައި މި މެންބަރުން ވަނީ ބިލު ތަންފީޒުނުކުރެވޭހާ ގޯސް ކަމަށް ވިދާޅުވެފަ އެވެ.