ތ. އަތޮޅުގައި އާރުޓީއެލްގެ ހިދުމަތް ފެށުން (ފޮޓޯ/އެމްޓީސީސީ)
ތ. އަތޮޅުގައި އާރުޓީއެލް ފެރީގެ ހިދުމަތް ފަށައިފި
ހައި ސްޕީޑް ފެރީ ނެޓްވޯކަކުން ރާއްޖެ ގުޅާލުމަށް ފަރުމާކޮށްފައިވާ އިންޓަގްރޭޓެޑް ޕަބްލިކް ފެރީ ނެޓްވޯކު، އާރުޓީއެލް މަޝްރޫއުގެ ދަށުން ތ. އަތޮޅުގައި އެ ހިދުމަތް ފަށައިފި އެވެ.
ވީ ކިހިނެއް- އެ އަތޮޅަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން ރޭ ވޭމަންޑޫގައި ބޭއްވި ރަސްމިއްޔާތެއްގައި ހިދުމަތް ފައްޓަވައިދެއްވީ ރައީސް މުހައްމަދު މުއިއްޒެވެ.
ތަފްސީލް - މިއީ އެމްޓީސީސީން މި ހިދުމަތް ދޭން ފެށި 12 ވަނަ އަތޮޅެވެ.
ޒޯން 4ގެ ގޮތުގައި ބަލާ ތ. އަތޮޅުގައި ހިދުމަތް ދިނުމަށް ޒަމާނީ 2 ހައި ސްޕީޑު ފެރީ ބޭނުން ކުރާނެ އެވެ.
-
ހަފްތާގެ 6 ދުވަހު 5 ރޫޓަކުން ފެރީ ހިދުމަތް އޮންނާނެ
-
ފެރީ ޝެޑިއުލް އާރުޓީއެލް އެޕުން އަދި ވެބްސައިޓުން ފެންނާނެ
-
ހޮނިހިރު ދުވަހުން ފެށިގެން އަންނަަ މަހުގެ 2 ވަނަ ދުވަހާ ހަމައަށް އޮންނާނީ އަހުލުވެރި ކުރުމުގެ ދަތުރުތައް
-
އޭގެ ފަހުން ދަތުރުތަކަށް އަގު ނަގަން ފަށާނެ
އެނގުން މުހިއްމު - މިހާރު އާރުޓީއެލް ފެރީގެ ހިދުމަތް ނުފެށި އޮތީ 8 އަތޮޅެއްގަ އެވެ. އެމްޓީސީސީން ބުނީ ޓްރާންސްޕޯޓު މިނިސްޓްރީގެ ލަފާއާ އެކު އެ އަތޮޅުތަކުގައި ވެސް ހިދުމަތް ފަށަން ތައްޔާރު ވަމުން އަންނަ ކަމަށެވެ.
މިހާރު އާރުޓީއެލް ހިދުމަތް ދޭ އަތޮޅުތައް:
-
ޒޯން 1: ހއ.، ހދ. އަދި ށ. އަތޮޅު
-
ޒޯން 2: ނ.، ރ.، ބ. އަދި ޅ. އަތޮޅު
-
ޒޯން 4: ތ. އަތޮޅު
-
ޒޯން 5: ގއ. އަދި ގދ. އަތޮޅު
-
ޒޯން 6: ފުވައްމުލައް އަދި އައްޑޫ