ރައީސް އޮފީހުގެ ޔޫޓިއުބް ޗެނަލް މިހާރު ފެންނާކަށް ނެތް
ރައީސް އޮފީހުގެ ޔޫޓިއުބް ހެކުކޮށްފި؛ ޗެނަލް 'ގެއްލިއްޖެ'
ރައީސް އޮފީހުގެ ގޫގުލް އެކައުންޓު ހެކުވެ، ޔޫޓިއުބް ޗެނަލް ވެސް ގެއްލިއްޖެ އެވެ.
ވީ ކިހިނެއް؟ - ރޭ ދަންވަރު ރައީސް އޮފީހުގެ ޔޫޓިއުބް ޗެނަލުން ފެންނަން ހުރީ ކްރިޕްޓޯ ކަރަންސީއާ ގުޅޭ ލައިވް ސްޓްރީމެކެވެ.
ތަފްސީލް - ކުރީގެ ރައީސް އަބްދުﷲ ޔާމީންގެ ވެރިކަމުން ފެށިގެން މިހާތަނަށް ރާއްޖޭގެ ރައީސުން ބައިވެރިވެވަޑައިގެންނެވި ހަފްލާތަކާއި ރަސްމިއްޔާތުތަކުގެ ލައިވް ވީޑިއޯތަކާއި ދެއްކެވި ވާހަކަފުޅުތައް ވެސް ހިމެނޭ ޔޫޓިއުބް ޗެނަލް ވެސް މިހާރު ފެންނާކަށް ނެތެވެ.
އެކައުންޓު ހެކު ވުމުގެ ކުރިން ރޭ ރައީސް މ. މުލީގައި ރައްޔިތުންނާ އެކު ބޭއްވެވި ބައްދަލުކުރެއްވުން ވެސް ލައިވް ސްޓްރީމުކޮށްފައިވެ އެވެ.
އެނގިފައިވާ ގޮތުގައި ޔޫޓިއުބް ޗެނަލްއާ ގުޅިފައިވާ ގޫގުލް އެކައުންޓު ވަނީ ހެކުވެފަ އެވެ. އެކައުންޓު އަނބުރާ ހޯދުމުގެ މަސައްކަތް ކުރަމުން އަންނަ ކަމަށް ވެސް އެނގިފައިވެ އެވެ.