ޗައިނާ-ރާއްޖެ ގުޅުމުގެ އާ ބާބެއް ފަށަން ދެ ލީޑަރުން އެއްބަސްވެއްޖެ

ޗައިނާއަށް ރައީސް މުހައްމަދު މުއިއްޒު މިހާރު ކުރައްވަމުން ގެންދަވާ ރަސްމީ ދަތުރުފުޅުގައި މިއަދު ޗައިނާގެ ރައީސް ޝީ ޖިންޕިންއާ އެ މަނިކުފާނު ބައްދަލުކުރައްވައި ދެ ލީޑަރުންގެ ރަސްމީ މަޝްވަރާތައް ބާއްވަވައިފި އެވެ.

ވީ ކިހިނެއް؟ - ދެ ލީޑަރުން ބައްދަލުކުރެއްވީ ޝީގެ ދައުވަތަކަށް ޝަންހާއީ ކޯޕަރޭޝަން އޯގަނައިޒޭޝަން(އެސްސީއޯ) ސަމިޓުގައި ބައިވެރިވުމަށް އެމަނިކުފާނު މިހާރު އެ ގައުމަށް ކުރައްވާ ދަތުރުފުޅުގަ އެވެ. 

ތަފްސީލް - ރައީސް މުއިއްޒު އެމަނިކުފާނުގެ އެކްސް އެކައުންޓުގައި މިއަދު ކުރެއްވި ޕޯސްޓެއްގައި ވިދާޅުވި ޝީއާ އެކު ބޭއްވެވި ބައްދަލުކުރެއްވުމުގައި މަޝްވަރާކުރެއްވީ: 

ރައީސް މުއިއްޒުގެ ޕޯސްޓްގައި ޗައިނާގެ މެހެމާންދާރީއަށް ޝުކުރު އަދާކުރައްވަމުން ވިދާޅުވެފައި ވަނީ ދެގައުމުގެ ތަރައްގީގެ ހަރުދަނާ ގުޅުން ބިނާވެފައިވަނީ އެތައް ދުވަހެއްގެ ގާތް ރަހުމަތްތެރިކަމާއި ހެޔޮ އެދުމުގެ މައްޗަށް ކަމަށެވެ. ރައީސް ވިދާޅުވި ގޮތުގައި އެ ބައްދަލުވުމުގައި ދެ ގައުމުގެ ގުޅުން އިތުރަށް ބަދަހި ކުރުމަށް ވަނީ އެއްބަސްވެފަ އެވެ. 

ގުޅުންހުރި - މިއީ ރައީސް މުއިއްޒު ޗައިނާއަށް ކުރައްވާ ދެވަނަ ރަސްމީ ދަތުރުފުޅެވެ. ޗައިނާއަކީ ރާއްޖޭގެ ތަރައްގީގެ މަޝްރޫއުތަކަށް އެންމެ ގިނަ އަދަދަކަށް ލޯނު ދީފައިވާ ގައުމެވެ. ޗައިނާއިން ރާއްޖެއަށް ދީފައިވާ ލޯނުގެ އަދަދު، 1.4 ބިލިއަން ޑޮލަރަށް އަރަ އެވެ. ހުޅުލެ އާއި މާލެ ގުޅުވާލަދޭ، 200 މިލިއަން ޑޮލަރުގެ ޗައިނާ-މޯލްޑިވްސް ފްރެންޑްޝިޕް ބްރިޖަކީ ވެސް ޗައިނާގެ ބޮޑު ހިލޭއެހީއަކާއި ލޯނުގެ ދަށުން ހިންގާފައިވާ މަޝްރޫއެކެވެ.