ކޭޕާކު މަމްދޫހާ އެކު ކުންފުނި ހެދި ނާފިއުއަށް އެޗްޑީސީގެ އިސް މަގާމެއް

ހުޅުމާލޭގައި ހަންބޯ ކޮމްޕެނީން ހަދަމުން އަންނަ މަތީ ފަންތީގެ ކޭ-ޕާކް ރެސިޑެންސް ފްލެޓްތައް ވިއްކުމުގައި އެ ކުންފުނީގެ މައިނޯރިޓީ ހިއްސާދާރު ހަސަން މަމްދޫހު (މަންޑޭ)އާ އެކު ކުންފުނި ހެދި އެޗްޑީސީގެ މުވައްޒަފަކަށް އިސް މަގާމެއް ދިންކަން އެނގިއްޖެ އެވެ.

ވީ ކިހިނެއް؟ - އޭރު އެޗްޑީސީގެ ރިއަލް އެސްޓޭޓް މެނޭޖްމަންޓް އަދި ޕްރޮޕަޓީ މެނޭޖްމަންޓް ބައިގެ ޖެނެރަލް މެނޭޖަރު އަބްދުލް ނާފިއު މުހައްމަދަކީ، ކޭޕާކުގެ މައި ހިއްސާދާރަށް އޮޅުވާލައިގެން މަމްދޫހު އެޕާޓްމަންޓް ވިއްކަން ބޭނުންކުރި ކުންފުންޏެއްގެ ހިއްސާދާރެެކެވެ.

މި މައްސަލާގައި އެ ދުވަސްވަރު އޭނާ ސަސްޕެންޑްކޮށް އެޗްޑީސީގެ އިންޓާނަލް އޮޑިޓުން ވެސް ތަހުގީގުކުރަން ފެށި އެވެ.

ތަފްސީލް - 'ދައުރު'އަށް އެނގިފައިވާ ގޮތުގައި، ނާފިއު އައްޔަންކޮށްފައިވަނީ އެ ކުންފުނީގެ ޑިރެކްޓާ އޮފް ބިޒްނަސް ޑިވެލޮޕްމަންޓް އެންޑް ސޭލްސްގެ މަގާމަށެވެ. އެގޮތުން:

އެނގުން މުހިންމު - އޮޅުވާލައިގެން ހުޅުމާލޭން ބިން ދޫކުރި ކަމުގެ ތުހުމަތުގައި އިއްޔެ އެޗްޑީސީގެ ބިޒްނަސް ޑިވެލޮޕްމެންޓް އަދި ސޭލްސްގެ އިސް އަންހެން މުވައްޒަފެއް ވެސް ސަސްޕެންޑްކޮށްފައިވެ އެވެ.

ގުޅުން ހުރި - މަކަރާއި ހީލަތުން ޖުމްލަ 23 އެޕާޓްމަންޓެއް ވިއްކާފައިވާ ކަމަށް ބުނާ މައްސަލާގައި ލަނޑު ލިބުނު 50 އަށް ވުރެ ގިނަ މީހުން ތިބި އިރު، އެއިން ކޮންމެ މައްސަލައެއް ވަކިވަކިން ދައުވާކޮށްފައިވެ އެވެ.

އެ ހިޔާނާތުގެ މައްސަލާގައި ދައުވާކޮށްފައިވަނީ މަމްދޫހުގެ އިތުރުން މިކަމުގައި އޭނާއާ ބައިވެރިވި ކަމަށް ތުހުމަތުކުރެވޭ ޖައިޝާން ސައީދުގެ މައްޗަށެވެ.