އުދައްޔު މަރާލި ކަމަށް ޝަމީމް އާއި މާޒިންގެ މައްޗަށް ވެސް ކުށް ސާބިތުވެއްޖެ

މީގެ ހަތަރު އަހަރު ކުރިން ގއ. މާމެންދޫގައި ހިންގި މާރާމާރީއެއްގައި އެ ރަށު އަހްމަދު އުދައްޔަށް ހަމަލާދީ މަރާލި މައްސަލާގައި، ދެ މީހެއްގެ މައްޗަށް ކުށް ސާބިތު ވެއްޖެ އެވެ.

ވީ ކިހިނެއް؟- މިއަދު ކްރިމިނަލް ކޯޓުގައި ބޭއްވި އަޑުއެހުމެއްގައި، އުދައްޔު މަރާލި ކަމަށް ކުށް ސާބިތުވެފައިވަނީ:

އެނގުން މުހިއްމު- މި މައްސަލައިގައި ދެން ހިމެނެނީ އޭރު 18 އަހަރު ނުފުރޭ ކުޑަކުއްޖެކެވެ. އެކަމަކު އެ ކުއްޖާގެ މައްޗަށް ކުށް ސާބިތުވާ ކަމަށް މީގެ ތިން އަހަރު ކުރިން ވަނީ ކަނޑައަޅާފަ އެވެ. އޭނާގެ މައްޗަށް އޭރު ވަނީ، 25 އަހަރު ބަންދުގައި ބެހެއްޓުމަށާއި މަރުގެ ދިޔައިގެ ގޮތުގައި 1 މިލިޔަން ރުފިޔާ ދައްކަން ކްރިމިނަލް ކޯޓުން ހުކުމްކޮށްފަ އެވެ.

ދައުވާތަކާ މެދު ގޮތެއް ނިންމަވަމުން، ގާޒީ ފާހަގަކުރެއްވި ގޮތުގައި 17 އަހަރުގެ އުދައްޔު މަރުވި ހަމަލާދީފައި ވަނީ އެ ޒުވާނާ އެވެ. އޭނާއާ އެކު އެއް ޖަމާއަތެއްގެ ގޮތަށް، އެކަކު އަނެކަކަށް ވާގިދީ، އެހީތެރިކަން ދޭ އުސޫލުން މާޒިން އާއި ޝަމީމް އެކުގައި ބައިވެރިވެފައިވާ ކަމަށް ވިދާޅުވި އެވެ.

ގާޒީ ވިދާޅުވި ގޮތުގައި:

އުދައްޔު މަރާލުމުގެ ދައުވާ، އިތުރު ޒުވާނެއް ކަމުގައިވާ ޝަރަފް ރަޝީދުގެ މައްޗަށް ވެސް އުފުލި އެވެ. އެކަމަކު އޭނާގެ މައްޗަށް ކުށް ސާބިތުނުވާ ކަމަށް މިއަދު ވަނީ ކަނޑައަޅައިފަ އެވެ.

ކްރިމިނަލް ކޯޓުން ބުނިގޮތުގައި:

އުދައްޔުގެ މަރުގެ ދައުވާގައި ދެން އޮންނާނީ، ކްރިމިނަލް ކޯޓުން ބުނިގޮތުގައި، ވާރިސުންގެ ހެކިބަސް ނެގުމާއި އަދަބާ ގުޅިގެން ވާހަކަ ދެއްކުމާއި ހުކުމް ކުރުމެވެ. އެކަމަށް އަންނަ އަހަރު އަޑުއެހުމެއް ބާއްވާނެ ކަމަށް ވެސް އެތަނުން ބުންޏެވެ.