'މީޑިއާ ކޮންޓްރޯލު ކުރާ' ބިލު އަނބުރާ ގެންދަން ސީޕީޖޭން ވެސް ގޮވާލައިފި

މީޑިއާގެ މިނިވަންކަން ދެމެހެއްޓުމަށް ރައީސް މުހައްމަދު މުއިއްޒު ވެވަޑައިގެންފައިވާ ވައުދު ދަމަހައްޓަވައި މީޑިއާތައް ކޮންޓްރޯލު ކުރުމަށް މިހާރު ރައްޔިތުންގެ މަޖިލީހަށް ހުށަހަޅާފައިވާ ބިލު އަނބުރާ ގެންދިއުމަށް ކޮމެޓީ ޓު ޕްރޮޓެކްޓު ޖާނަލިސްޓްސް (ސީޕީޖޭ) އިން އިއްޔެ ގޮވާލައިފި އެވެ.

ވީ ކިހިނެއް؟- 'މޯލްޑިވްސް މީޑިއާ އެންޑް ބްރޯޑްކާސްޓިން ރެގިއުލޭޝަންގެ ބިލު'ގެ ނަމުގައި  މިދިޔަ ހޯމަ ދުވަހު މަޖިލީހުގެ ޖަލްސާއަށް މި ބިލު ހުށަހެޅުއްވީ، އަމިއްލަ ގޮތުން މަޖިލީހުގައި އިންނަވާ ނަމަވެސް ސަރުކާރަށް ތާއީދުކުރައްވައިގެން ހުންނެވި ތުޅާދޫ ދާއިރާގެ މެންބަރު އަބްދުލްހަންނާން އަބޫބަކުރެވެ.

ތަފްސީލް - ބިލު އަނބުރާ ގެންދިއުމަށް ގޮވާލައި ނެރުނު ބަޔާނެއްގައި ސީޕީޖޭން ބުނީ އާ ބިލުގައިވާ ގޮތުން، ރާއްޖޭގައި ނޫސްވެރިކަމުގެ މިނިވަންކަމަށް ހުރަސް އެޅޭނެ ކަމަށާއި ރާއްޖޭގެ ނާޒުކު ޑިމޮކްރަސީއަށް ވެސް އޭގެ ނޭދެވޭ އަސަރު ކުރާނެ ކަމަށެވެ.

މީޑިއާތަކާއި ނޫސްތަކަށް ގާނޫނީ ފިޔަވަޅު އަޅާ ބޮޑެތި ޖޫރިމަނާ ކުރެވޭ ގޮތަށް އޮތް ބިލުގައިވާ ކަންތައްތައް ސީޕީޖޭން ވަނީ ފާހަގަކޮށްފަ އެވެ. އެގޮތުން:

ބިލުގައިވާ ގޮތުން، މި ބިލު ގާނޫނަކަށް ވުމާ އެކު، މިހާރު އޮތް މީޑިއާ ކައުންސިލާއި ބްރޯޑްކާސްޓިން ކޮމިޝަން އުވޭނެ އެވެ. އެެއަށް ފަހު، އެ ތަނުގެ މަސައްކަތްތައް ކުރިއަށް ގެންދާނީ 'މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަން'ގެ ނަމުގައި ރައީސް އުފައްދަވާ އޮފީހަކުންނެވެ.

މި ކޮމިޝަނަށް ދީފައިވާ ބާރުތަކުގެ ތެރޭގައި:

ސީޕީޖޭން ބުނީ، އެ ބިލާ ގުޅޭ ގޮތުން ރައީސް މުއިއްޒުގެ ބަހަކަށް ވެސް އެދުނު ކަމަށާއި ބިލު ހުށަހެޅުއްވި މެންބަރު ހަންނާނަށް ވެސް ގުޅުއްވި ކަމަށެވެ. ނަމަވެސް އެ ދެ ބޭފުޅުންގެ ކޮމެންޓެއް އެކަމުގައި ނުލިބޭ ކަމަށް ބުންޏެވެ.

ފާހަގަ ކުރެވޭ - މީޑިއާތަކުގެ ކޮންޓްރޯލް ސަރުކާރަށް ލިބޭ ގޮތަށް މިހާރު މަޖިލީހަށް ހުށަހަޅާފައިވާ ބިލާ ގުޅޭ ގޮތުން ކަންބޮޑުވުން ފާޅުކޮށް، އެ ބިލު އަނބުރާ ގެންދިއުމަށް އިންޓަނޭޝަނަލް ފެޑެރޭޝަން އޮފް ޖާނަލިސްޓްސް (އައިއެފްޖޭ) އިން ވެސް ވަނީ ގޮވާލައިފަ އެވެ.

މީގެ އިތުުރުން: