ރައީސް މުހައްމަދު މުއިއްޒު ބ. ކުޑަރިކިލު ކައުންސިލާ ބައްދަލުކުރައްވަނީ (ފޮޓޯ/ރައީސް އޮފީސް)
އިންތިހާބުގައި ދިން ތާއީދުގެ ނަތީޖާ ފެންނާނެ: ރައީސް
ރިޔާސީ އިންތިހާބުގައި ދިން ތާއީދުގެ ނަތީޖާ ފެންނާނެ ކަމަށާއި ވައުދުތައް ފުއްދައި މަސައްކަތްތައް ފަށަން ތައްޔާރީތައް ވެފައިވާ ކަމަށް ބ. ކުޑަރިކިލު ރައްޔިތުންނާ މުހާތަބު ކުރައްވާ ރައީސް މުހައްމަދު މުއިއްޒު މިއަދު ވިދާޅުވެއްޖެ އެވެ.
ވީ ކިހިނެއް؟ - ރައީސް ބ. އަތޮޅަށް ކުރައްވަމުން ގެންދަވާ ދަތުރުފުޅުގައި މިއަދު މެންދުރު ކުޑަރިކިލަށް ވަޑައިގެން ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން، ރިޔާސީ އިންތިހާބުގައި އެ މަނިކުފާނަށް އެ ރަށުގެ ތައްޔިތުން ކުރި ތާއީދާއި އިތުބާރަށް ޝުކުރު އަދާކުރެއްވި އެވެ.
ތަފްސީލް - ރައީސް ވިދާޅުވީ އެ އިތުބާރުގެ ނަތީޖާ ދައްކައިދޭނެ ކަމުގެ ޔަގީންކަން ދެއްވާ ކަމަށެވެ.
"މި ދަތުރުގައި އަޅުގަނޑު ދޭން ބޭނުންވާ ޔަގީންކަމަކީ އަޅުގަނޑުމެންނަށް ދިމާވި އެކިއެކި ދަތިތަކުން އަރައިގަނެވި، އެކި ރަށްރަށުގައި -- މިރަށް ހިމެނޭހެން -- ކުރަން ޖެހިފައި ހުރި ކަންކަމުގައި ކުރިއަށް ދެވޭނެ މަގު އަޅުގަނޑުމެން މިހާރު ވާނީ ފަހިކޮށްފައި،" ރައީސް ވިދާޅުވި އެވެ.
ރައީސް ވަނީ ކުޑަރިކިލަށް ވެވަޑައިގެންނެވި ވައުދުތައް ފުރިހަމަކޮށްދެއްވާނެ ކަމުގެ ޔަގީންކަން އެ ރަށުގެ ރައްޔިތުންނަށް ދެއްވައިފަ އެވެ.
އެގޮތުން:
-
ފެނާއި ނަރުދަމާގެ މަޝްރޫއު ކުރިއަށް ގެންދިޔުމަށް ތައްޔާރީތައް ވަނީ ވެފައި؛ މި މަސް ތެރޭ އެ މަސައްކަތް ފަށައި ސެޕްޓެމްބަރުން ފެށިގެން ހަ މަސް ތެރޭ އެ މަސައްކަތް ނިމޭނެ
-
މަގުހެދުމުގެ މަސައްކަތް އާރުޑީސީއާ ވަނީ ހަވާލުކޮށްފައި
-
މިހާރު ފަށާފައި ހުރި ސްކޫލުގެ މަޝްރޫއު ކުރިއަށް ގެންދާނެ
-
މަލްޓިޕާޕަސް ހޯލެއްގެ މަސައްކަތް ވެސް ކުރިއަށް ގެންދާނެ
-
ސިއްހީ މަރުކަޒު އަޕްގްރޭޑު ކުރުމުގެ މަސައްކަތް ވެސް ކުރިއަށް ގެންދާނެ
-
ބިން ހަމަޖެހުނުހާ އަވަހަކަށް މިސްކިތެއް އެޅުމުގެ މަސައްކަތް ފަށާނެ
-
ފުޓްބޯޅަ ދަނޑު ތަރައްގީކުރުމުގެ މަސައްކަތް ކުރާނެ
-
ފިޓްނަސް އެންޑް ރެކްރިއޭޝަން ހޯލަކާއި ނެޓްބޯޅަ ކޯޓެއް އަޅާނެ
ކޮމެންޓް (1)
ކޮސް