ފޮއްދޫ ބަނދަރުގެ މަސައްކަތް ފެށުން (ފޮޓޯ/ރައީސް އޮފީސް)
ފޮއްދޫ ބަނދަރުގެ މަސައްކަތް ރައީސް ފައްޓަވައިދެއްވައިފި
ނ. ފޮއްދޫ ބަނދަރުގެ އަމަލީ މަސައްކަތް ރައީސް މުހައްމަދު މުއިއްޒު މިއަދު ފައްޓަވައިދެއްވައިފި އެވެ.
ވީ ކިހިނެއް؟ - ރާއްޖޭގައި ބަނދަރެއް ނެތް މަދު ރަށްތަކުގެ ތެރޭ ހިމެނޭ ފޮއްދޫގެ ބަނދަރުގެ މަސައްކަތް ރައީސް ފައްޓަވައިދެއްވީ މިހާރު ނ. އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދު ފޮއްދުއަށް ވަޑައިގެންނެވެ.
ތަފްސީލް - ފޮއްދޫ ބަނދަރުގެ މަސައްކަތް ކުރިއަށް ގެންދަނީ އެމްޓީސީސީންނެވެ.
-
މަޝްރޫއުގެ އަގަކީ 53.7 މިލިއަން ރުފިޔާ
-
މަސައްކަތް ނިންމަން ހަވާލުކޮށްފައިވަނީ 390 ދުވަހުން ނިންމަން
ފޮއްދޫ ބަނދަރު މަޝްރޫއުގެ ދަށުން:
-
460 މީޓަރުގެ ކީ ވޯލް ޖައްސާނެ
-
ބޭރު ތޮށި ހަދާނެ
-
ބަނދަރުގެ ޕޭވްމެންޓު ހަދައި މަގު ބައްތި ޖަހާނެ
-
ނެރުބައްތި ޖަހާނެ
-
ބޭރު ތޮއްޓާ އިންވެގެން ކުދި ޑިންގީތައް އަޅަން 150 މީޓަރުގެ ޖެޓީއެއް ހަދާނެ
މި މަޝްރޫއުގެ ތެރޭ ހިމަނައިގެން އެ ރަށުގެ ގޮނޑުދޮށް ހިމާޔަތްކުރުމަށް ވައި-ގްރޮއިންއެއް ވެސް ޖަހާނެ އެވެ.