އީސީން އެދެނީ ހިޔާލު ހޯދުމުގެ ވޯޓް ނަގަން 4 މަސް ދޭން

• އޭނާ ފާހަގަކުރެއްވި އެންމެ މުހިންމު އެއް ކަމަކީ ވޯޓުގެ ނަތީޖާ ނެރުމުގައި ބަލާނީ، ވޯޓްލީ ރައްޔިތުންގެ އަގުލަބިއްޔަތަށްތޯ ނުވަތަ ވޯޓްލުމުގެ ޝަރުތު ހަމަވާ މީހުންގެ އަދަދަށްތޯ މިހާރު ބިލުން ސާފުނުވުން 

• ފެންނަ ނުފެންނަ ވޯޓަކީ މިހާރު ބާއްވާ އިންތިހާބުތައް ގޮތަށް ދުރާލާ އެނގިގެން ބާއްވާ އިންތިހާބެއް ނޫން؛ އެހެންވުމުން ތައްޔާރުވާން ވަގުތު ބޭނުންވާނެ 
  

• ފެންނަ ނުފެންނަ ވޯޓެއްގައި ރައްޔިތުންގެ ކައިރިން ކަމަކަށް އަހާއިރު ވޯޓަށް އަހާ ކަމަކާ ގުޅޭ ގޮތުން ރައްޔިތުން ހޭލުންތެރިކުރަން ވަގުތު ބޭނުންވާނެ؛ އެކަމަށް އެންމެ މަދުވެގެން ވެސް ދޮޅުމަސް ބޭނުންވާނެ 
  

• ސަބަބަކީ އެކި ސުވާލު އެކި ފަހަރު އަހާއިރު ރައްޔިތުން ހޭލުންތެރިކުރަން ވަގުތު ބޭނުންވާނެތީ 
  

• ފެންނަ ނުފެންނަ ވޯޓް ނަގާނޭ މުހިންމު ކަންތައްތައް ގާނޫނުގެ ދަށުން ހަދާ ގަވައިދުގައި ބަޔާންކުރުމަށް ދޫކޮށް ނުލާ ސީދާ ގާނޫނުގައި ވޯޓް ނެގޭނެ މުހިންމު ކަންކަން ބަޔާންކޮށް ތަފްސީލްކުރުން 

• މަޖިލީހުން ފެންނަ ނުފެންނަ ވޯޓެއް ނަގަން ފާސްކުރާ ގަރާރު ފާސްކުރަން ޖެހޭނީ މުޅި މަޖިލީހުގެ ޖުމްލަ މެންބަރުންގެ އަގުލަބިއްޔަތުންތޯ ނުވަތަ ހާޒިރުވެ ވޯޓް ދިން މެންބަރުންގެ އަގުލަބިއްޔަތުންކަން ބިލްގައި ސާފުވާން ޖެހޭ 

• އެއް ގަރާރެއްގައި އެއް މައްސަލައަކަށް ވުރެ ގިނަ މައްސަލައިގައި ވޯޓް ނެގުމަށް ހިމެނިދާނެތޯ ސާފުކުރަން ޖެހޭ 

• ފެންނަ ނުފެންނަ ވޯޓުގެ ކަންކަމުގައި ރައީސްއަށް ލިބިފައިވާ އިހުތިޔާރުތައް ގާނޫނުގައި ސާފުކޮށް ބަޔާންކުރަން ފެނޭ

• ވޯޓާ ގުޅޭ ގޮތުން އާންމުން ހޭލުންތެރިކުރުމަކީ ކައުންސިލުން ކުރަން ޖެހޭ ކަމެއްގެ ގޮތުގައި މަޖުބޫރުކުރަން ޖެހޭ 

• ވަކި މުއްދަތެއް ތެރޭ ބަޖެޓް ދިނުން ލާޒިމްވާ ގޮތަށް ގާނޫނުގައި ކަނޑައަޅަން ޖެހޭ؛ ކުރު މުއްދަތެއް ތެރޭ އިންތިހާބު ބާއްވާއިރު ބަޖެޓް ލަސްވާ ނަމަ އިންތިޒާމްތައް ލަސްވާނެ 

• ގާނޫނަށް އަމަލުކުރަން ފަށާ ދުވަހުން ފެށިގެން 30 ދުވަސް ތެރޭ ގަވައިދުތައް ހެދުން ލާޒިމްކުރުން 

'ހިޔާލު ހޯދުމުގެ ވޯޓަށް ރައްޔިތުންނަށް އެދެވޭ ގޮތް ހެދުން'

• ވަކި އަދަދެއްގެ ރައްޔިތުންގެ ޕެޓިޝަނެއް ހުށަހަޅައިގެން މުހިންމު ކަންކަމުގައި ފެންނަ ނުފެންނަ ވޯޓް ނެގޭ ގޮތަށް ބައެއް ގައުމުތަކުގައި އޮވޭ؛ އެއީ ގާނޫނެއް ހަދާއިރު ވިސްނުން މުހިންމު ކަމެއް 

• އިންތިހާބީ މުއްދަތެއްގައި ކަންކަން ހިނގަމުން ދާއިރު ގައުމަށް ދިމާވާ ބޮޑެތި މައްސަލަތައް، ގާނޫނަށް ގެންނަ ބަދަލުތައް ފަދަ ކަންކަމުން އާންމުންނަށް ބޮޑެތި ދަތިތައްވާ ނަމަ ވޯޓަށް އެހުމުގެ ފުރުސަތު ދޭނެތޯ ވިސްނާލުން ރަނގަޅު

'އެއް ކަމެއްގައި ފެންނަ ނުފެންނަ ވޯޓަށް އެހޭނޭ މުއްދަތެއް'

• ބިލުގައި ތަސައްވަރުކޮށްފައި ނުވާކަމެއް، މަޖިލީހާއި ރައީސްއަށް ފެންނަ ނުފެންނަ ވޯޓް ނަގަން ނިންމުމުގެ ބާރު ލިބޭއިރު، ރައީސް އާއި މަޖިލީހުން ތަފާތު ދެ ކަމަކަށް އެއް ވަގުތެއްގައި ވޯޓެއް އަހާފާނެ ހާލަތެއް އައިސްފިނަމަ އަމަލުކުރާނީ ކިހިނެއްކަން ސާފުނުވުން

• އެއް ކަމަކަށް ރައްޔިތުންގެ ހިޔާލު ހޯދަން ކިހާ މުއްދަތެއްގައިތޯ ވޯޓަށް އެހޭނެތޯ

• ނަގާނީ ހަމަ އެކަނި ފެންނަ ނުފެންނަ ވޯޓެއްތޯ ނުވަތަ ވަކި ޗޮއިސްތަކެއް ދޭގޮތަށް ވެސް ގާނޫނު އޮތުން ރަނގަޅު؛ މިސާލަކަށް، ރާއްޖޭގައި އޮންނަން ފެންނަނީ ޔުނިޓަރީތޯ ނުވަތަ ފެޑަރަލް ދައުލަތެއްގެ ގޮތުގައިތޯ ޗޮއިސްއެއްގެ ގޮތުގައި ބޭއްވުން
  

• ލިޔަންކިޔަން ނޭނގޭ މީހުންނަށް، ވިޝުއަލްކޮށް ސުވާލުގައި ބުނާ އެއްޗެއް އެނގޭނޭ ގޮތަށް ކަރުދާސް ހަދަން ގާނޫނުގައި މަގުފަހިކުރުން