ރަހުމުކުޑަ ގޮތަކަށް މާޅޮހުގައި މީހަކު މަރާލައިފި

އއ. މާޅޮހުގައި ރަހުމުކުޑަ ގޮތަކަށް އުމުރުން ދުވަސްވީ ފިރިހެނަކު މަރާލައިފި އެވެ. 

ވީ ކިހިނެއް؟ - ފުލުހުން ބުނިގޮތުގައި ރޭ 1:50 އެހާއިރު ބޮޑެތި ޒަހަމްތަކަކާ އެކު އޮތް 65 އަހަރުގެ މީހަކު މާޅޮހު ސިއްހީ މަރުކަޒަަށް ގެންގޮސް ފަރުވާދެނިކޮށް މަރުވެފައިވާ ކަމަށެވެ. 

ތަފްސީލް - މަރުވެފައި ވަނީ އަބްދުއްރަހްމާން އާދަމް، 65، އޯކިޑްމާގެ އެވެ.

މާޅޮހުން 'ދައުރު'އާ ވާހަކަ ދެއްކި މީހަކު ބުނިގޮތުގައި ފިރިހެން މީހާއަށް ހަމަލާދީފައި އޮތީ، އޭނާގެ ގޭގައި ނިދާފައި އޮއްވަ އެވެ.

"ބޮލުގެ ފުއްކިބައިގައި އެއްޗަކުން ޖަހާފައި އޮތީ. މުޅި އެނދުމަތީގައި އޮތް ލޭ. ސިކުނޑީގެ ބައެއް ވެސް އޮތް ފެންނަން،" އޭނާ ބުންޏެވެ. 

ބެލެވެނީ ހަމަލާދީފައި ވަނީ މަރުތޭލެއް ޒާތުގެ އެއްޗަކުން ކަމަށެވެ. 

ފިރިހެން މީހާ މަރުވީ މާޅޮހު ސިއްހީ މަރުކަޒަށް ގެންގޮސް ފަރުވާ ދެމުން ދަނިކޮށް، އޭގެ ގަޑިއިރެއްހާއިރު ފަހުން 2:30 ހާއިރެވެ. 

އެ ރަށުން ވާހަކަ ދެއްކި ބައެއް މީހުން ބުނާގޮތުގައި:

އެނގިފައިވާ ގޮތުގައި އެ މީހުންގެ ތިން ދަރިން ތިބޭއިރު، ދިރިއުޅެނީ ރަށުން ބޭރުގަ އެވެ.