މެލޭޝިއާގައި ކިޔަވާ ދަރިވަރުންގެ ޓެކްސް ފައިސާ ދަނީ ހަމަޖައްސައިދެމުން: މިނިސްޓްރީ

މެލޭޝިއާގައި ތައުލީމު ހާސިލް ކުރާ ބޭރު ދަރިވަރުންގެ އަތުން އެ ގައުމުން އަލަށް ނަގަން ފެށި ޓެކުހަށްވާ ފައިސާ ދިވެހި ދަރިވަރުންނަށް ހަމަޖައްސައިދެމުންދާ ކަމަށް ހަޔާ އެޑިއުކޭޝަން މިިނިސްޓްރީން މިއަދު ބުނެފި އެވެ.

ވީ ކިހިނެއް؟ - މެލޭޝިއާގައި މި މަހު އަމަލު ކުރަން ފެށި ސޭލްސް އެންޑް ސާވިސް ޓެކްސް އިސްލާހުގައި ބުނެފައިވާ ގޮތުން، އެ ގައުމުގެ ތައުލީމު ފޯރުކޮށްދޭ އަމިއްލަ ސްކޫލުތަކާއި ކޮލެޖުތަކާއި ޔުނިވާސިޓީތަކުގައި ކިޔަވާ ބިދޭސީ ދަރިވަރުންގެ އަތުން %6ގެ ޓެކުހެއް ނަގާނެ އެވެ.

ރާއްޖޭން ބޭރުގައި މަތީ ތައުލީމު ހާސިލް ކުރާ ދިވެހި ދަރިވަރުންގެ ތެރެއިން އެންމެ ގިނަ ދަރިވަރުން ކިޔަވާ އެއް ގައުމަކީ މެލޭޝިއާ އެވެ. އޭގެ ތެރޭގައި ސަރުކާރުގެ ލޯނާއި ސްކޮލާޝިޕްތަކުގައި ކިޔަވާ ދަރިވަރުންނާއި އަމިއްލަ ހަރަދުގައި ކިޔަވާ ދަރިވަރުން ވެސް ހިމެނެ އެވެ.

ތަފްސީލް - ހަޔާ އެޑިއުކޭޝަން މިނިސްޓްރީން މިއަދު އެކްސްގައި ކުރި ޕޯސްޓެއްގައި ބުނީ މެލޭޝިއާގައި އަދި އެހެން ގައުމުތަކުގައި ކިޔަވަމުންދާ ދަރިވަރުންނަށް ވެސް ހަމަޖެހިފައިވާ އުސޫލުން ފައިސާ ފޮނުވަމުންދާ ކަމަށެވެ. އެގޮތުން މެލޭޝިއާގައި އަހަރަކު 60،000 ރިންގިޓަށް ވުރެ ބޮޑު (218,496 ރުފިޔާ) ކޯސް ފީއެއް ދައްކަން ޖެހޭ ދަރިވަރުންގެ އަތުން އަލަށް ނަގަން ހަމަޖެއްސި ޓެކްސްއަށްވާ ފައިސާ ވެސް ހަމަޖައްސައިދެމުންދާ ކަމަށް ބުންޏެވެ.

އެ މިނިސްޓްރީން ބުނީ:

އެނގުން މުހިންމު - މެލޭޝިއާ ސަރުކާރުން ނިންމާފައިވަނީ:

މިއީ މެލޭޝިއާގެ މާލީ ހާލަތު ރަނގަޅު ކުރުމަށް އެ ގައުމުގެ ސަރުކާރުން އަޅަމުން އަންނަ ފިޔަވަޅުތަކުގެ ތެރޭ ހިމެނޭ ކަމެއް ކަމަށް މިދިޔަ މަހު އެ ގައުމުގެ ފިނޭންސް މިނިސްޓްރީން ބުނެފައިވެ އެވެ.