މައުރޫފް އެޗްޑީސީން ވަކިވެ، ރިޓަޔާކުރައްވަނީ

ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގެ މެނޭޖިން ޑިރެކްޓަރު މައުރޫފް ޖަމީލު މަގާމުން ރިޓަޔާ ކުރައްވަން ނިންމަވައި އެކަން ކުންފުނީގެ މުވައްޒަފުންނަށް އަންގަވައިފި އެވެ.

ވީ ކިހިނެއް؟ - އެޗްޑީސީ އުފެއްދިއިރު ވެސް އެ ކުންފުނި ހިންގުމުގައި އިސްކޮށް އުޅުއްވި މައުރޫފް އަލުން ކުންފުނީގެ ވެރިޔަކަށް އައްޔަނު ކުރީ މިދިޔަ 22 ޑިސެމްބަރުގަ އެވެ.

ތަފްސީލް - މައުރޫފް ވަނީ މަގާމުން ރިޓަޔާ ކުރައްވަން ނިންމަވާފައިވާކަން އެޗްޑީސީގެ މުވައްޒަފުންނަށް އަންގަވައިފަ އެވެ.

މައުރޫފް އެޗްޑީސީން ވަކިވެ ވަޑައިގަންނަވަނީ ލުއިކޮށް މަސައްކަތް ކުރެއްވޭނެ، އެހެން މަގާމަކަށް ބަދަލުވެވަޑައިގަތުމަށް ކަމަށް ވެސް އެނގިފައިވެ އެވެ.

މައުރޫފް ވަނީ މީގެ ކުރިން ރައީސް މައުމޫން އަބްދުލްގައްޔޫމުގެ ވެރިކަމުގައި، އެޗްޑީސީ އުފެއްދުމުގެ ކުރިން، ހުޅުމާލޭ ތަރައްގީ ކުރުމުގެ މަސައްކަތް ކުރި ހުޅުމާލޭ ތަރައްގީ ކުރުމާ ބެހޭ ޔުނިޓުގެ ޑިރެކްޓަރު ޖެނެރަލްގެ މަގާމު އަދާކުރައްވައިފަ އެވެ.

މީގެ އިތުރުން:

ފާހަގަ ކުރެވޭ - މައުރޫފް އެޗްޑީސީގެ އެމްޑީގެ މަގާމަށް އައްޔަންކޮށްފައިވަނީ އެ މަގާމުގައި ކުރިން ހުންނެވި އިބްރާހިމް ފަޒުލް ރަޝީދު، ހުޅުމާލޭން ބިން ދޫކުރުމާއި ވިނަރެސް ފްލެޓު ދޫކުރުމާ ގުޅޭ ކޮރަޕްޝަނުގެ ބޮޑެތި މައްސަލަތަކެއް ފެންމަތިވެފައިވަނިކޮށް މަގާމުން އިސްތިއުފާ ދެއްވުމުންނެވެ.