'ވާނުވާ' ބަންދުގައި ތިބި ބައެއް މީހުން ޓެގް އެޅުވުމަށް ފަހު ދޫކުރަން ފަށައިފި

ޝަރީއަތް ނިމެންދެން ބަންދު (ވާނުވާ ބަންދު)ގައި ތިބި ބައެއް މީހުންގެ ފައިގައި ޓެގް އެޅުވުމަށް ފަހު ދޫކުރަން ފަށައިފި އެވެ.

ވީ ކިހިނެއް؟ - ރައީސް މުހައްމަދު މުއިއްޒު މިރޭ އެކްސްގައި ވިދާޅުވީ، ޝަރީއަތް ނިމެންދެން ބަންދުކޮށްފައި ތިބި ބައެއް މީހުން، އިލެކްޓްރޯނިކް މޮނިޓަރިން ނިޒާމެއްގެ ތެރެއިން، ކޯޓުން ކަނޑައަޅާ ޝަރުތުތަކާ އެކު ބަންދަށް ލުއި ދިނުމުގެ ކަންކަން މިއަދު ފަށާފައިވާ ކަމަށެވެ.

ތަފްސީލް - ރައީސް މިގޮތަށް ވިދާޅުވި އިރު، ބަންދުކޮށްފައި ތިބި މީހުން، މޮނީޓާކުރެވޭނެ އިންތިޒާމެއްގެ ދަށުން ޖަލުން ދޫކޮށްލުމަށް އެދި އެ މީހުންގެ ހައްގުގައި ވަކާލާތު ކުރާ މީހުން ވަނީ އެ މަނިކުފާނާ ބައްދަލު ކޮށްފަ އެވެ.

"މިއަދު މި ފެށުނު މަސައްކަތުގެ ތެރެއިން ޒަމާންވީ މި މައްސަލައަށް ހައްލުތަކެއް ލިބި، ޝަރުތު ފުރިހަމަވާ ފަރާތްތަކުގެ ބަންދަށް ލުއިތަކެއް ދެވޭނެ،" ސޯޝަލް މީޑިއާގައި ކުރެއްވި ޕޯސްޓެއްގައި ރައީސް ވިދާޅުވި އެވެ.

އެކަމަކު ދޫކުރަނީ ކިތައް މީހުން ކަމެއް އަދި އާއްމެއް ނުކުރެ އެވެ.

ޕީޖީ އޮފީހުން މީގެ ކުރިން ވަނީ، ބަންދުން ލުއި ދިނުމުުގައި ބަލާނެ މައިގަނޑާ ގުޅޭ ކަންކަން ހިއްސާކޮށްފަ އެވެ. އޭގެ ތެރޭގައި ހިމެނެނީ:

ބަންދަށް ލުއި ދިނުމުގެ ކުރިން މުޖުތަމައުގެ ސަލާމަތަށް އޮތް ނުރައްކާ ދެނެގަތުން

ބަންދަށް ލުއިދިނުމުގައި އަމަލުކުރާނެ ގޮތް