އެމްއެންޔޫ އާއި އެޓްމޮސްފިއާ ފައުންޑޭޝަނުން އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގެ ތެރެއިން. (ފޮޓޯ/އެމްއެންޔޫ)
އެމްއެންޔޫ އާއި އެޓްމޮސްފިއާ ފައުންޑޭޝަނުން އޮނުގަހާ ގުޅޭ ދިރާސާއެއް ހަދަނީ
ރާއްޖޭގައި އޮނުގަސް އިންދުމާއި އޭގެ ފައިދާތަކާ ގުޅޭ ދިރާސާއެއް ހެދުމަށް ގައުމީ ޔުނިވަސިޓީ (އެމްއެންޔޫ) އާއި އެޓްމޮސްފިއާ ފައުންޑޭޝަނުން އިއްޔެ އެއްބަސްވުމެއްގައި ސޮއިކޮށްފި އެވެ.
ވީ ކިހިނެއް؟ - އެމްއެންޔޫ މާލޭ ސެންޓްރަލް ކެމްޕަހުގައި ބޭއްވި ރަސްމިއްޔާތެއްގައި މި އެއްބަސްވުމުގައި ސޮއިކުރެއްވީ:
-
އެމްއެންޔޫގެ ވައިސް ޗާންސެލަރު ޑރ. އައިޝަތު ޝެހެނާޒް އާދަމް
-
އެޓްމޮސްފިއާ ފައުންޑޭޝަންގެ ނައިބު ރައީސް އަބްދުލް އަޒީޒް އަބްދުލް ހަކީމް
ތަފްސީލް - މި އެއްބަސްވުމުގެ މަގްސަދަކީ، އެމްއެންޔޫން ބުނި ގޮތުގައި:
-
ރާއްޖޭގެ އެކި ހިސާބުތަކުން ފެންނަ އޮނުގަހުގެ ބާވަތްތައް ދެނެގަނެ، ގިންތިކުރުން
-
އޮނުގަހުގެ އެކި ބާވަތްތަކުގެ މޯފޮލޮޖިކަލް ދިރާސާއެއް ހެދުން
-
އޮނުގަހުގެ ސަބަބުން ފަސްގަނޑަށް ލިބޭ ފައިދާތަކާއި އަސަރުތައް ދެނެގަތުން
އެނގުން މުހިންމު - އެޓްމޮސްފިއާ ފައުންޑޭޝަނުން ވަނީ 2023ގައި އޮނުގަސް އިންދުމަށް މަޝްރޫއެއް ފަށާފަ އެވެ. އެގޮތުން، 'ބެމްބޫ ޕްރޮޖެކްޓު'ގެ ފުރަތަމަ ފިޔަވަހީގެ ދަށުން:
-
500 ކުދި އޮނުގަސް އެކި ރަށްރަށަށް ބެހި
-
ބައެއް ރަށްރަށާއި ޖަމިއްޔާތަކަށާއި ވިޔަފާރި އުސޫލުން ދަނޑުވެރިކަން ކުރާ ރަށްރަށަށް އަދި ހދ. ހަނިމާދޫ އެގްރިކަލްޗާ ސެންޓަރަށް އޮނުގަހުގެ އޮށް ހަވާލުކުރި
-
މި މަޝްރޫއު ހިންގުމުގައި ހަރަކާތްތެރިވާ އެޓްމޮސްފިއާ ފައުންޑޭޝަނުގެ މައި ކުންފުނިން ހިންގާ ރިސޯޓުތަކުގައި ވެސް އޮނުގަސް އިންދި
-
އޮނުގަހުގެ ފައިދާތަކާ ގުޅޭ މައުލޫމާތު ދިން
ގައުމީ ޔުނިވާސިޓީ
