ޑެޕިއުޓީ ޕޮލިސް ކޮމިޝަނަރު އިސްމާއިލް ނަވީން ނޫސްވެރިންގެ ބައްދަލުވުމެއްގައި
ވަގުތީ ޕޮލިސް ކޮމިޝަނަރަކަށް ފަރުހާދު ހަމަޖައްސާފައި އެކަން ބަދަލުކޮށް މިހާރު އެ ޒިންމާ ދިނީ ނަވީންއަށް
ކޮމިޝަނާ އޮފް ޕޮލިސް (ސީޕީ)ގެ މަގާމަށް، ފުލުހުންގެ ޑެޕިއުޓީ ކޮމިޝަނަރު ފަރުހާދު ފިކުރީ ވަގުތީ ގޮތުން ހަމަޖެއްސުމަށް ފަހު އެކަން ބަދަލުކޮށް އެ ޒިންމާ ޑެޕިއުޓީ ކޮމިޝަނަރު އިސްމާއިލް ނަވީންއާ މިރޭ ހަވާލުކޮށްފި އެވެ.
ވީ ކިހިނެއް؟ - ސީޕީގެ މަގާމު ހުސްކަމަކަށް ދިޔައީ ގެއެއްގެ ނުވަ ވަނަ ބުރިން އަންހެނަކު ވެއްޓުނު ހާދިސާގެ ތަހުގީގާ މެދު ފުލުހުންނާ ދޭތެރޭ އާންމުންގެ ނުރުހުން ބޮޑުވެފައިވަނިކޮށް، ސީޕީކަމުން އަލީ ޝުޖާއު މިއަދު އިސްތިއުފާ ދެއްވުމުންނެވެ.
ތަފްސީލު - ޝުޖާއު އިސްތިއުފާ ދެއްވައި، ރައީސްއަށް ފޮނުއްވި ސިޓީ އެމަނިކުފާނު ވަނީ ގަބޫލުކުރައްވާފަ އެވެ. އަދި އެ މަގާމަށް ޑެޕިއުޓީ ކޮމިޝަނަރު ފިކުރީ އައްޔަންކުރެއްވިކަން ހޯމް މިނިސްޓަރު އަލީ އިހުސާން މިރޭ ވަނީ އިއުލާންކުރައްވާފަ އެވެ.
ވަގުތީ ކޮމިޝަނަރުގެ މަގާމަށް ފަރުހާދު އައްޔަންކުރެއްވިކަން ހޯމް މިނިސްޓަރު އަލީ އިހުސާން އިއުލާންކުރެއްވިތާ މާ ގިނަ އިރެއް ނުވެ އެ ނިންމުން ވަނީ ބަދަލުކުރައްވައިފަ އެވެ. އޭގެ ސަބަބަކީ މިހާރު ކުރިއަށް ދާ މަރިޔަމް ޔުމްނު ރަޝީދު ވެއްޓުނު ހާދިސާގެ ތަހުގީގުކަން، މިނިސްޓަރު ފާހަގަކުރެއްވި އެވެ.
"ފުލުހުންގެ މުއައްސަސާއިން މިވަގުތު އެންމެ އިސްކަންދީގެން ކުރިއަށްގެންދާ މަސައްކަތަކީ މިހާރު ހިނގަމުންދާ ތަހުގީގުގެ މަސައްކަތް ކަމަށް ވެފައި މި ތަހުޤީގުގެ ކަންކަމާ އެންމެ އިސްކޮށް ހަވާލުވެ ހުންނެވީ ޑެޕިއުޓީ ކަމިޝަނަރ އިސްމާއިލް ނަވީންކަމަށް ވާތީ ކޮމިޝަނަރ އޮފް ޕޮލިސް ކަމަށް ބޭފުޅަކު އައްޔަންކުރެވެންދެން އެ މަސްއޫލިއްޔަތު ވަގުތީ ގޮތުން އަދާކުރައްވަން ޑެޕިއުޓީ ކަމިޝަނަރ އިސްމާއިލް ނަވީން ކަނޑައަޅައިފީމެވެ،" އެކްސްގައި އިހުސާންކުރެއްވި ޕޯސްޓްގައި ވިދާޅުވި އެވެ.
ފުލުހުންގެ މުއައްސަސާއިން މިވަގުތު އެއްމެ އިސްކަންދީގެން ކުރިއަށްގެންދާ މަސައްކަތަކީ މިހާރު ހިނގަމުންދާ ތަހުގީގުގެ މަސައްކަތްކަމަށްވެފައި މިތަހުޤީގެކަންކަމާއި އެއްމެ އިސްކޮށް ހަވާލުވެ ހުންނެވީ ޑެޕިއުޓީ ކަމިޝަނަރ އިސްމާއިލް ނަވީންކަމަށްވާތީ ކަމިޝަނަރ އޮފް ޕޮލިސް ކަމަށް ބޭފުޅަކު… https://t.co/apZ5SE0qYJ
— Minister of Homeland Security & Technology (@min_mohst) April 26, 2025
ކޮމެންޓް (2)
ސިކުނޑި
ތެފައާސާ.