މާލޭގައި ކަރަންޓު ބޭނުންކުރާވަރު އިތުރުވާތީ ކަރަންޓު ބޭނުންކުރުމުގައި ސަމާލުވާން އިލްތިމާސްކޮށްފި

މާލެ ސަރަހައްދުގައި ކަރަންޓު ބޭނުންކުރާ މިންވަރު އިތުރުވަމުންދާތީ ކަރަންޓު ބޭނުންކުރުމުގައި ސަމާލުވުމަށް ސްޓެލްކޯގެ މެނޭޖިން ޑިރެކްޓަރު ހުސެން ފަހުމީ މިއަދު އިލްތިމާސްކުރައްވައިފި އެވެ.

ވީ ކިހިނެއް؟ - ފަހުމީ މިގޮތަށް އިލްތިމާސްކުރެއްވީ މާލޭގައި މިދިޔަ ބުރާސްފަތި ދުވަހު އަދި މިއަދު ވެސް ކަރަންޓު ބޭނުންކުރި މިންވަރު އިތުރުވެފައިވާ ކަމަށް ވިދާޅުވެ 'އެކްސް'ގައި ކުރެއްވި ޕޯސްޓެއްގަ އެވެ. 

ޕޯސްޓުގައި ވާގޮތުން:

"އެހެންކަމުން އަޅުގަނޑުމެން އެންމެން މިކަމަށް ސަމާލުވެ ފަރުދީގޮތުން ކަރަންޓު އިގްތިސާދު ކުރުމަށް ކުރެވެންހުރި މަސައްކަތްތައް ކޮށްދިނުމަކީ މުޖުތަމައު އާއި އަމިއްލަ ލާބަ އާއި މަންފާއަށް ކުރެވޭ ވަރަށް މުހިންމު ކަމެއް. ކަރަންޓު ހެޔޮގޮތުގައި ބޭނުންކޮށް، އިސްރާފު ނުކުރުމަށް އަޅުގަނޑުމެން އެންމެން ވެސް މަސައްކަތް ކުރަމާ،" ފަހުމީގެ ޕޯސްޓުގައިވެ އެވެ.

ބުނީ ކީކޭ؟ - ފަހުމީ ވިދާޅުވީ މިދުވަސްވަރަކީ ރާއްޖެއަށް ހޫނު ދުވަސްވަރަކަށްވުމާއެކު އިހްސާސްކުރެވޭ ހޫނުމިން މަތިވަމުންދާކަން ފާހަގަކުރެވިފައިވާ ކަމަށެވެ. އެހެން އެންމެން ވެސް ކަރަންޓު ބޭނުންކުރުމުގައި ހާއްސަ ސަމާލުކަމެއް ދިނުމަކީ ވަރަށް މުހިންމު ކަމެއް ކަމުގައި ދެކޭ ކަމަށް އޭނާ ވިދާޅުވި އެވެ.

އޭނާ އިލްތިމާސްކުރެއްވީ:

ފާހަގަކޮށްލެވޭ ކަމެއް - މާލެ ސަރަހައްދުގައި ކަރަންޓު ބޭނުންކުރާ މިންވަރު އިތުރުވަމުންދާ ކަމަށް ބުނެ ސްޓެލްކޯއިން މިފަހުން އަންނަނީ ކަރަންޓު ބޭނުންކޮށްފައިވާ ގޮތުގެ އަދަދުތަކެއް އެކްސްގައި ހިއްސާކުރަމުންނެވެ. އެގޮތުން މިދިޔަ ރޯދަމަހުގެ ފަހު ދުވަހު ވެސް ކަރަންޓު ބޭނުންކޮށްފައިވާލެއް އިތުރުވެފައިވާތީ ކަރަންޓު ބޭނުންކުރުމުގައި ސަމާލުވުމަށް ސްޓެލްކޯއިން އިލްތިމާސްކޮށްފައިވެ އެވެ.

އޭގެ ކުރިން ޕީކް ގަޑީގައި ކަރަންޓު ބޭނުންކުރާ މިންވަރު އެވްރެޖްކޮށް އުޅެނީ 100 މެގަވޮޓުގަ އެވެ.