އީދު ފާހަގަކުރުމަށް މާލޭގައި ބޭއްވި ކުޑަކުދިންގެ ހަވީރު.
އީދު ފާހަގަކުރަން ބޭއްވި ހަވީރަށް ހޫނު ތަރުހީބެއް
ފިތުރު އީދުގެ މުނާސަބަތުގައި އެމްއެންޑީއެފް އާއި ފުލުހުން އަދި ސަރުކާރު ހިއްސާވާ ކުންފުނިތައް ބައިވެރިވެގެން ކުރިއަށް ގެންދިޔަ 'އީދު ހަވީރަށް' ބޮޑު ތަރުހީބެއް ލިބިއްޖެ އެވެ.
ވީ ކިހިނެއް؟ - ސަލްޓަން ޕާކާއި ޖޫމްހޫރީ މައިދާން ސަރަހައްދުގައި ކުރިއަށްގެންދިޔަ މި ހަރަކާތަށް ރައީސް މުހައްމަދު މުއިއްޒުގެ ދެކަނބަލުން ވެސް ޒިޔާރަތް ކުރައްވައި ހަވީރުގައި ބައިވެރިވި ކުޑަކުދިންނާ ސަލާމްކުރައްވައި ފޮޓޯ ނަންގަވާފައިވެ އެވެ.
ތަފްސީލް - ކުޑަކުދިންގެ ހަވީރުގެ ތެރެއިން އެމްއެންޑީއެފްގެ ހަތިޔާރުތައް ދައްކާލައި ފުލުހުންގެ ވެހިކަލްތައް ދައްކާލައި އެ ތަކެއްޗާ އެކު ފޮޓޯ ނެގުމުގެ ފުރުސަތު ވެސް ވަނީ ދީފަ އެވެ.
މީގެ އިތުރުން:
-
ސަގާފީ ކުޅިވަރުތައް ވެސް ކުރިއަށް ގެންދިޔަ؛ އޭގެ ތެރޭގައި ތިންހަމަ، އަންބަލަން، އޮށްވަޅުގޮނޑި އަދި ފަސްއޮށް ފަދަ ކުޅިވަރުތައް ހިމެނޭ
-
ކުޑަކުދިން ގަޔާވާނެ ފަދަ ޒަމާނީ ކުޅިވަރުތަކާއި ގޭމުތައް ވެސް ކުރިއަށް ގެންދިޔަ
އީދާ ގުޅުވައިގެން ކުރިއަށްގެންދިޔަ ކުޑަކުދިންގެ ހަވީރުގެ ސްޓޯލުތަކުގައި ކުޑަކުދިން ގަޔާވާނެ ކާޓޫނު ކެރެކްޓާތައް ވެސް ވަނީ ހިމަނައިފަ އެވެ.
ފާހަގަ ކުރެވޭ - އީދު ފާހަގަކުރަން މާލޭގައި މިއަދު ކުޑަކުދިންގެ ހަވީރެއް ކުރިއަށް ގެންދިޔައިރު، ހުޅުމާލޭގައި މިރޭ ޑްރޯން ޝޯއަކާ އެކު ހަވާއެރުވުން އޮންނާނެ އެވެ.