މަޖިލީހުގެ ކޮމިޓީތަކަށް މީހުން ހާޒިރު ކުރުމަށް ދޭ ނޯޓިސްގެ މުއްދަތު 3 ދުވަހަށް ކުރުކޮށްފި

ރައްޔިތުންގެ މަޖިލީހުގެ ކޮމިޓީތަކަށް މީހުން ހާޒިރު ކުރުމަށް ދޭ ނޯޓިސްގެ މުއްދަތު ތިން ދުވަހަށް ކުރުކުރަން މަޖިލީހުގެ ގަވައިދު މިއަދު އިސްލާހުކޮށްފި އެވެ.

ވީ ކިހިނެއް؟ - މަޖިލީހުގެ ގަވައިދު އެ ގޮތަށް އިސްލާހުކުރަން ހުށަހެޅުއްވީ އިހަވަންދޫ ދާއިރާގެ ޕީއެންސީ މެންބަރު އަހްމަދު ނަސީރެވެ. އޭނާ ގަވައިދަށް ހުށަހެޅުއްވި މައިގަނޑު ދެ އިސްލާހަށް އެއްވެސް ބަދަލެއް ނުގެނެސް، އެ ގޮތަށް ފާސް ކުރުމަށް މި މައްސަލަ ދިރާސާ ކުރި މަޖިލީހުގެ އާންމު ކޮމިޓީން އިއްޔެގެ ބައްދަލުވުމުގައި އޮތީ ނިންމާފަ އެވެ. އަދި މިއަދުގެ މަޖިލިސް ޖަލްސާއަށް ކޮމިޓީ ރިޕޯޓު ހުށަހެޅި އެވެ.

ތަފްސީލު - އަހްމަދު ނަސީރު އިސްލާހު ހުށަހެޅުއްވީ ގަވައިދުގެ 180 ވަނަ މާއްދާގެ (ރ) އަދި (އ) އިސްލާހު ކުރުމަށެވެ. އެގޮތުން:

ކޮމިޓީން ވެސް ނިންމި ގޮތަށް މި މުއްދަތުތަކަށް ބަދަލު ގެނައުމަށް މަޖިލީހުގެ ގަވައިދު އިސްލާހު ކުރުމަށް ތަޅުމުން ފާސްވީ 50 މެންބަރުންގެ ތާއީދާ އެކު އެވެ. މިއަށް ވޯޓު ދެއްވި މެންބަރުންގެ ތެރޭގައި އެމްޑީޕީއަށް ނިސްބަތްވެވަޑައިގަންނަވާ ކެޔޮދޫ ދާއިރާގެ މެންބަރު މުހައްމަދު ނިއުޝާދު އާއި މާވަށު ދާއިރާގެ މެންބަރު އަހްމަދު ޝާކިރު ހިމެނިވަޑައިގެންވަ އެވެ. އެ ޕާޓީގެ އެހެން މެންބަރުން މި ވޯޓުގައި ބައިވެރިވެވަޑައެއްނުގަންނަވަ އެވެ.

ކޮމިޓީގެ ރިޕޯޓުގައިވާ ގޮތުން މި އިސްލާހުތައް ގެނައުމުގެ ބޭނުމަކީ ކޮމިޓީތަކުގެ މަސައްކަތްތައް އަވަސް ކުރުމުގެ ބޭނުމުގަ އެވެ. މި ބަދަލާ އެކު، މަޖިލީހުން ޖަވާބުދާރީކުރަން ޖެހޭ ފަރާތްތައް ޖަވާބުދާރީކުރުމަށް އިތުރަށް ފަސޭހަވެގެން ގޮސް، "މަޖިލީހުގެ މަަސައްކަތްތަކުގެ ޓްރާންސްޕޭރެންސީ އިތުރުވާނެ" ކަމަށް އެ ރިޕޯޓުގައި ފާހަގަކޮށްފައިވެ އެވެ.