ދެ އަހަރު ތެރޭ 54،000 މީހުން ކުޑަގިރި އަށް ދިޔަ

މާލެ ސަރަހައްދުގައި ދިރިއުޅޭ މީހުން ޕިކްނިކު ދިޔުމަށް ތަރައްގީކުރި ކުޑަގިރިއަށް ދެ އަހަރު ތެރޭ 54،724 މީހުން ދަތުރު ދިޔަ ކަމަށް އެ ރަށް ބަލަހައްޓާ ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން އިއްޔެ ބުނެފި އެވެ.

ވީ ކިހިނެއް؟ - ކުޑަގިރިއަށް ދެ އަހަރު ފުރުން ފާހަގަ ކުރުން އެޗްޑީސީ އިން ވަނީ އެ ރަށުގައި ހިޔާ ދޭ ގަސް އިންދުމުގެ ހަރަކާތެއް އިއްޔެ ކުރިއަށް ގެންގޮސްފަ އެވެ.

ތަފްސީލް - އެ ކުންފުނިން ބުނީ އެމްޑީ މުހައްމަދު މައުރޫފް ޖަމީލާއި ބޯޑު މެންބަރުންގެ ބައިވެރިވުމާ އެކު އެ ހަރަކާތް ކުރިއަށް ގެންދިޔައީ އެ ރަށުގައި އަދި ވެސް ހިޔާދޭ ގަސްތައް މަދުވުމުން ކަމަށެވެ.

މިއީ ސަރުކާރުގެ ފަސް މިލިއަން ގަސް އިންދުމުގެ ޕްރޮގްރާމުގެ ދަށުން ކުރިއަށް ގެންދިޔަ ހަރަކާތެއް ކަމަށް ވެސް އެ ކުންފުނިން ބުންޏެވެ.

އެޗްޑީސީގެ ވެރިން އިއްޔެ އެ ރަށަށް ޒިޔާރަތް ކުރައްވައި ރަށުގެ އިންތިޒާމުތައް ވެސް ވަނީ ބައްލަވާލައްވައިފަ އެވެ.

އެޗްޑީސީ އިން ބުނީ އެ ކުންފުނީގެ ހިސާބުތަކަށް ބަލާއިރު:

ޒަމާނީ ވަސީލަތްކާއި ދަތުރު ގޮސް ކުރާނެ ގިނަ ކަންތައްތަކެއް ކުޑަގިރީގައި މިހާރު ވެސް އެބަހުއްޓެވެ. ނަމަވެސް ދެ އަހަރު ފުރުނު އިރު، އެ ރަށުން ދޭ ހިދުމަތްތަކުގެ ފެންވަރު ދުވަހެއް ދުވަހަކަށް ރަނގަޅު ކުރުމަށް އަދިވެސް މަސައްކަތް ކުރަމުން އަންނަ ކަމަށް އެޗްޑީސީ އިން ބުންޏެވެ.

އެގޮތުން

މީގެ އިތުރުން، ރާއްޖެއަށް ފަތުރުވެރިން ޝައުގުވެރި ކުރުވުމަށް ސަރުކާރުން ކުރަމުން އަންނަ މަސައްކަތުގައި ބައިވެރިވެ، ކުޑަގިރީގައި ހާއްސަ ޑައިވް ސައިޓެއް ހެދުމަށް ވެސް ވަނީ ނިންމައިފަ އެވެ. މިއީ އެޗްޑީސީ އާއި އެމްއެމްޕީއާރްސީ އަދި އެމްޓީސީސީ ގުޅިގެން ކުރިއަށްގެންދާ މަޝްރޫއެކެވެ.

އެޗްޑީސީ އިން ބުނީ އަބަދު ވެސް މަސައްކަތް ކުރަނީ ކުޑަގިރިން ލިބޭ ހިދުމަތްތައް އިތުރުކޮށް، ދުވަހެއް ދުވަހަކަށް ފެންވަރު ރަނގަޅު ކުރުމަށް ކަމަށެވެ.