އާއްމުކޮށް އިވޭ 160 ލަފްޒެއް ދިވެހިކޮށްފި

މިދިޔަ ދެ އަހަރު، ދިވެހިބަހުގެ އެކެޑެމީއިން އަލަށް އުފެއްދި ދިވެހި ލަފުޒުތައް އެ ތަނުން އިއްޔެ ފާސްކޮށް އާއްމުކޮށްފި އެވެ. މި ހުރިހާ ލަފްޒަކީ ވެސް މިހާރު އާއްމުކޮށް ބޭނުންކޮށް އުޅޭ ބޭރު ލަފްޒުތަކެވެ.

ވީ ކިހިނެއް؟- ދިވެހި ބަހުގެ ތެރެއަށް އަލަށް ވައްދާ ލަފުޒުތަކާއި އޭގެ މާނަ ކަނޑައަޅަނީ އެކެޑެމީގައި އޮންނަ ބަސް ކޮމިޓީއިންނެވެ. މިދިޔަ އަހަރާއި އޭގެ ކުރީ އަހަރު، އެ ކޮމިޓީއިން ވަނީ 160 ބަހެއް އުފައްދައިފަ އެވެ.

އެކެޑެމީގެ އާ ލަފުޒުތައް، އެތަނުގެ ރައީސް ޑރ. އަޝްރަފް އަބްދުއްރަހީމް ސޮއިކުރައްވައި އިއްޔެ ވަނީ ފާސްކުރައްވައިފަ އެވެ.

އެހެން ފަހަރުތަކާ ހިލާފަށް، މި ފަހަރު އަލަށް ނެރުނު ބަސްތަކުގެ ތެރޭގައި ބޭރު ބައެއް ލަފުޒުތައް 'ދިވެހިކޮށްފައި'ވެ އެވެ. ނޫނީ 'ލޯނުލަފުޒު'ގެ ގޮތުގައި ބޭނުންކޮށްފައިވެ އެވެ. އެގޮތުން ބައެއް އަރަބި ބަސްތައް ކަމުގައިވާ ސުހޫރާއި ތަންޒީމު، ޒައުޖު އަދި އަމީދު އޭގެ ހަގީގީ މާނައިގައި މިހާރު ދިވެހި ބަހެއްގެ ގޮތުގައި ބޭނުން ކުރެވޭނެ އެވެ. ހާރުކެއުމަށް މިހާރު ވެސް ސުހޫރު ބޭނުންކޮށް އުޅެ އެވެ. ޒައުޖަކީ ބައިވެރިޔާ އެވެ. އަމީދަކީ ކޮލެޖް/ޔުނިވަސިޓީގެ ވެރިޔާ އެވެ.

އޭގެ އިތުރުން:

ޝައުގުވެރި އެހެން ލަފްޒުތަކަށް ބަލާއިރު:

އެނގުން މުހިއްމު- މީގެ ކުރިން ވެސް މި ފަދަ ގިނަ ލަފްޒުތަކެއް ދިވެހި ބަހުގެ އެކެޑެމީއިން ހަދައި، ދިވެއްސަށް ބަދަލު ކުރި ނަމަވެސް އޭގެ ތެރެއިން ބޭނުން ކުރަނީ މަދު ލަފުޒެކެވެ. އޭގެ ބަދަލުގައި ގިނަ މީހުން ބޭނުން ކުރަނީ އޭގެ އަސްލު ލަފްޒެވެ.