މާލެ ސަރަހައްދުގައި އުޅޭ ބިދޭސީންގެ ބަޔޯމެޓްރިކް ޑޭޓާ ނަގަން މުއްދަތެއް ދީފި

މާލެ ސަރަހައްދުގައި މަސައްކަތް ކުރާ ބިދޭސީންގެ ބަޔޯމެޓްރިކް ޑޭޓާ އަޕްޑޭޓު ކުރުމަށް ހޯމްލޭންޑު މިނިސްޓްރީން އަންގައިފި އެވެ.

ވީ ކިހިނެއް؟ - އެ މިނިސްޓްރީން މިއަދު ކުރި އިއުލާނެއްގައި ބުނީ މާލެ، ހުޅުމާލެ، ވިލިމާލެ، ތިލަފުށި އަދި ގުޅިފަޅުގައި ވަޒީފާ އަދާކުރާ ހުރިހާ ބިދޭސީންގެ ފޮޓޯ އާއި ފިންގާޕްރިންޓު އަޕްޑޭޓު ކުރުމުގެ މަސައްކަތް އަންނަ މަހުގެ 15ގެ ކުރިން ނިންމަން ޖެހޭނެ ކަމަށެވެ.

ތަފްސީލް - އެ މިނިސްޓްރީގެ ފޮރިން ލޭބާ ޑިމާޓުމެންޓާ ގުޅިގެން ވަޒީފާ ދޭ ފަރާތްތަކުން ބިދޭސީންގެ ބަޔޯމެޓްރިކް ޑޭޓާ އަޕްޑޭޓުނުކުރާ ނަމަ، އެކްސްޕެޓް ސިސްޓަމުން ވަޒީފާ ދޭ ފަރާތް ސަސްޕެންޑުކޮށް، ހިދުމަތް މެދުކަނޑާލާނެ ކަމަށް އެ އިއުލާނުގައި ބުނެފައިވެ އެވެ.

މާލެ ސަރަހައްދުގައި ބިދޭސީންގެ ބަޔޮމެޓްރިކްސް ނެގުމުގެ މަސައްކަތް ކުރާނީ އެންސީއައިޓީގައި އެކަމަށް ހާއްސަކޮށްގެން ގާއިމްކޮށްފައިވާ އޮޕަރޭޝަން ސެންޓަރުންނެވެ.

މިއީ ރާއްޖޭގައި އުޅޭ ބިދޭސީންގެ މައްސަލަ ހައްލު ކުރަން މިދިޔަ އޭޕްރީލް މަހު ފެށި އޮޕަރޭޝަން 'ކުރަނގި'ގެ ދަށުން ގާއިމްކޮށްފައިވާ ޖޮއިންޓު އޮޕަރޭޝަން ސެންޓަރެކެވެ.

އެ ތަނުން ހިދުމަތް ދޭނީ ހުކުރު ދުވަސް ފިޔަވާ ކޮންމެ ދުވަހެއްގެ ހެދުނު 9 އިން ރޭގަނޑު 10 އަށެވެ.

އެނގުން މުހިއްމު - ބިދޭސީންގެ މައްސަލަ ހައްލު ކުރަން މިދިޔަ އޭޕްރީލް މަހު ފެށި އޮޕަރޭޝަން 'ކުރަނގި'ގެ ދަށުން 18،000އަށް ވުރެ ގިނަ ބިދޭސީންގެ ބަޔޯމެޓްރިކް މައުލޫމާތު އެއްކޮށްފައިވާ ކަމަށް ހޯމްލޭންޑް މިނިސްޓްރީން މީގެ ކުރިން ވަނީ ބުނެފަ އެވެ.

ތިން މަރުހަލާއަކަށް ބަހާލައިގެން ކުރިއަށް ގެންދާ އޮޕަރޭޝަނުގެ ދަށުން:

އެނގުން މުހިއްމު - ރާއްޖޭގައި ގަވައިދާ ހިލާފަށް އުޅޭ ބިދޭސީންގެ މައްސަލައަށް ދާއިމީ ހައްލެއް ހޯދަން ސަރުކާރުން ކުރާ މަސައްކަތުގެ ދަށުން ބިދޭސީންގެ އައިޑެންޓިޓީ ދެނެގަނެ، އެ މީހުންގެ މައުލޫމާތު އެއްކުރުމަށް އޮޕަރޭޝަން 'ކުރަނގި' ކުރިއަށް ގެންދަނީ ތިން ފިޔަވައްސަކަށް ބަހާލައިގެންނެވެ. އެގޮތުން: