ތިލަފުށި މަތިން ނަގާފައިވާ ފޮޓޯއެއް (ފޮޓޯ/އެޗުޑީސީ)
އެޗްޑީސީއިން މާޒިޔާއަށް 2.9 މިލިޔަން ރުފިޔާއަށް ތިލަފުށިން ބިމެއް ވިއްކައިފި
މާޒިޔާ އިން 2.9 މިލިޔަން ރުފިޔާއަށް ކ. ތިލަފުށިން ބިމެއް ގަނެފި އެވެ.
ވީ ކިހިނެއް؟- ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން މި ބިން މާޒިޔާއަށް ވިއްކާފައިވަނީ މިދިޔަ އަހަރުގެ ޖޫން މަހުގެ ތެރޭގަ އެވެ. މި މުއާމަލާތު ސައްހަ ކަމަށް މީގެ ދެ ދުވަސް ކުރިން ސިވިލް ކޯޓުން ވަނީ ކަނޑައަޅާފަ އެވެ.
ތަފްސީލު- ސިވިލް ކޯޓުގެ ހުކުމްގައި ބުނެފައިވާ ގޮތުގައި:
-
މާޒިޔާއިން ގަނެފައިވަނީ 5،035 އަކަ ފޫޓުގެ ބިމެއް
-
ބިން ގަތީ އަކަ ފޫޓެއް 590 ރުފިޔާގެ މަގުން 2.99 މިލިޔަން ރުފިޔާއަށް
-
ބިން ގަތީ ސިނާއީ ބޭނުމަކަށްޓަކައި ކަމަށް އެއްބަސްވުމުގައި ބުނެފައިވޭ
ކޯޓުން ބުނީ ބިމުގެ އަގަށްވާ ފައިސާ މާޒިޔާއިން ދައްކާ ހަލާސްކޮށްފައިވާ ކަމަށެވެ. އެހެންވެ، ގުޅުން ހުރި އެހެން ކަންކަމަށް ބެލުމަށް ފަހު އެ މުއާމަލާތް ސައްހަ ކަމަށް ކަނޑައަޅާފައިވާ ކަމަށް އެތަނުން ބުންޏެވެ.
އެނގުން މުހިއްމު - ތިލަފުށިން ބިން ވިއްކުމުގައި ކޮރަޕްޝަނަށް މަގުފަހިވާ ގޮތަށް އެޗްޑީސީން އަމަލުކޮށްފައިވާ ކަމަށް ބުނާ މައްސަލައެއް ފެންމަތިވެފައިވެ އެވެ. ސިނާއީ ބޭނުންތަކަށް ތިލަފުށިން ބިން ދޫކުރަން ހުޅުވާލާފައިވަނީ ސަރުކާރުން ބޭނުންވި ބަޔަކަށް އަގުހެޔޮކޮށް ބިންތަކެއް ދިނުމަށް ފަހު ކަމަށް ވަނީ ތުހުމަތުކޮށްފަ އެވެ. ނަމަވެސް އެކަން އެޗްޑީސީން ދޮގު ކުރި އެވެ.
ކޮމެންޓް (5)
ސުމޯޓޯ
ނަހުމާ
ހިސްޓޯރިއަން
ހުސެން ސައިދު
ރާއްޖެތެރޭ ވަކީލު