އެޗްޑީސީގެ ގޯތި ހިޔާނާތުގެ މައްސަލައާ ގުޅިގެން ސަސްޕެންޑް ކުރި ހަތަރު މުވައްޒަރުން (ކ-ވ): އަހްމަދު ޔާމީން، އަބްދުﷲ ޝުހޫދު، އަހްމަދު އައިމަން އަދި އަބްދުﷲ ފާއިދު
ގޯތި މައްސަލާގައި އެޗުޑީސީގެ އިސްް ވެރިންތަކެއް ވެސް ސަސްޕެންޑުކޮށްފި
މިދިޔަ ސަރުކާރުގައި މާލޭ މީހުންނަށް ގޯތި ދޭން ހިންގި 'ބިންވެރިޔާ' ސްކީމުން ގޯތި ލިބޭ މީހުންގެ ލިސްޓުގައި ނަން ވެސް ނެތީސް އެޗްޑީސީގެ މެނޭޖިން ޑިރެކްޓަރު އިބްރާހިމް ފަޒުލްގެ އެއްބަނޑު އެއްބަފާ ބޭބެއަށް ހުޅުމާލެއިން ގޯއްޗެއް ދިން ކަމަށް ބުނާ މައްސަލައާ ގުޅިގެން އެޗްޑީސީގެ އިސް މަގާމުތަކެއް ފުރަމުން ދިޔަ މުވައްޒަފުންތަކެއް ވެސް ސަސްޕެންޑު ކޮށްފި އެވެ.
ވީ ކިހިނެއް؟ - އެ މައްސަލައާ ގުޅުން ހުރި ތަހުގީގު ކުރިއަށް ދާއިރު، ކުންފުނީގެ ބޯޑުގައި ހިމެނޭ އަހުމަދު ނާސިހު (ޑީޑީ) ފިޔަވާ، މެނޭޖިން ޑިރެކްޓަރު ފަޒުލް އާ އެކު ކުންފުނީގެ ބޯޑު މެންބަރުން ވެސް ވަނީ ސަސްޕެންޑުކޮށްފަ އެވެ. އެޗްޑީސީގެ އިތުބާރު ހިފޭ މަސްދަރަކުން 'ދައުރު' އަށް ޔަގީންކޮށްދިން ގޮތުގައި ބިންވެރިޔާ މައްސަލާގައި އެ ކުންފުނީގެ އިސް ފަސް މުވައްޒަފަކު ވެސް މިއަދު ވަނީ ސަސްޕެންޑުކޮށްފަ އެވެ.
ތަފްސީލް - އެނގިފައިވާ ގޮތުގައި އެ މައްސަލައާ ގުޅިގެން ސަސްޕެންޑުކޮށްފައިވަނީ:
-
އައިޓީ ކޮންސަލްޓެންޓް އަބްދުﷲ ޝުހޫދު
-
ޗީފް ފައިނޭންޝަލް އޮފިސަރު އަބްދުﷲ ފާއިދު
-
ޗީފް ބިޒްނަސް އޮފިސަރު އަހުމަދު ޔާމީން
-
އެސްޓޭޓު ޑެޕިއުޓީ ޑިރެކްޓަރު އަހުމަދު އައިމަން
މައްސަލަ ޖެހުނު ގޯތިތަކާ ގުޅޭ ސިޓީތަކުގައި ސޮއިކޮށްފައިވަނީ އައިމަން އެވެ.
އެނގުން މުހިންމު - ފަޒީލަށް ހުޅުމާލޭން ބިމެއް ދިން ކަމުގެ މައްސަލަ ފުރަތަމަ ތިލަވީ 'ހަސަން ކުރުސީ' ނަމުގައި އެކްސްގައި، ކާކުކަން ނޭނގޭ މީހަކު ހިންގާ އެކައުންޓަކުން އެއާ ބެހޭ ލިއުންތަކެއް އިއްޔެ އާންމުކުރުމާ އެކުގަ އެވެ.
ލީކުކޮށްލި ލިއުންތަކުން އެނގޭ ގޮތުގައި، ހުޅުމާލޭ ދެވަނަ ފޭސްގެ އެއް ބިން ދެ މީހަކަށް ދީ، އެ ދެ މީހުން ވެސް އެ ތަނުގެ ވަށާފާރު ރާނަން އެޗްޑީސީއަށް ހުށައަޅާފައިވެ އެވެ. ބިން ލިބިފައި ވަނީ އަސްލު ކާކަށްތޯ ކަށަވަރުކުރަން އެޗްޑީސީގެ ޑެޕިއުޓީ ޑިރެކްޓަރު އަހްމަދު އައިމަން ސޮއިކުރައްވައި މިދިޔަ ޖުލައި މަހު ހައުސިން މިނިސްޓްރީއަށް ސިޓީއެއް ފޮނުއްވި ކަމަށްވެ އެވެ.
ލީކުވެފައިވާ ސިޓީތަކަށް ބަލާއިރު އެނގޭ ކަންކަން:
-
ބިންވެރިޔާ ސްކީމުން ހުޅުމާލެއިން އެއް ލޮޓް ނަންބަރަކުން ބިން ލިބިފައިވާ ކަމަށް ބުނާ ދެ ފަރާތަކުން ވަށާފާރު ރޭނުމުގެ ހުއްދައަށް އެދި އެ ކުންފުންޏަށް ހުށަހެޅި
-
އޭގެ ތެރެއިން އެ ބިން ލިބިފައިވަނީ ކޮން ފަރާތަކަށްކަން އެ ކުންފުންޏަށް އަންގަައިދޭން އެދުނު
-
އެ ލޮޓް ނަންބަރުން ބިން ލިބުނު ކަމަށް ބުނާ އެކަކީ، ފަޒުލްގެ ބޭބެ މުހައްމަދު ފަޒީލް ކަން ވެސް ސިޓީން އެނގޭ
-
އެ ސިޓީގެ ޖަވާބުގައި 15 އޮގަސްޓްގައި ހައުސިންގެ ސްޓޭޓް މިނިސްޓަރު އިބްރާހިމް ނިޒާމް ފޮނުއްވި ކަމަށް ބުނާ ސިޓީގައި ވަނީ އެ ދެ މީހުންނަކީ ވެސް ބިންވެރިޔާ ސްކީމްގެ ދަށުން ގޯތި ލިބުނު ބައެއް ނޫން ކަމަށް މިނިސްޓްރީގެ ޑޭޓާބޭސްއިން ދައްކާ ކަމަށް
-
މުހައްމަދު ފަޒީލްއަށް ބިންވެރިޔާ ސްކީމުން ގޯތި ލިބި އޭގެ އެގްރިމެންޓް ކަމަށް ''ފޯޖް' ކޮށްފައިވާ އެގްރިމަންޓެއް ވެސް ލީކްކުރި
-
ސޯޝަލް މީޑިއާގައި ތުހުމަތުކޮށްފައިވަނީ އެއީ ފަޒުލްގެ ނުފޫޒުން ހިންގާފައިވާ ކޮރަޕްޝަނެއް ކަމަށް
ކޮމެންޓް (2)
ޢާދިލް މަންސޫރު
ތެފައާސާ.