ކައުންސިލުން ރައްކާތެރިކަމުގެ ފިޔަވަޅުތައް ނާޅާ ކަމަށް ބުނެ އޮޅުހިޔާއަށް ބުޅާ ގެންދިއުން މަޑުޖައްސާލަން މިނިސްޓްރީން އެދިއްޖެ

މާލެ ސަރަހައްދުގެ ރަށްރަށުގެ މަގުމަތީގައި ވީއްލިގެން އުޅޭ ބުޅާތަކަށް ހިޔާވަހިކަން ދީ، ބެލެހެއްޓުމަށް މާލެ ސިޓީ ކައުންސިލުން މިހާރު ރާވާފައިވާ ގޮތް ރައްކާތެރި ނޫން ކަމަށް ބުނެ، މި ވަގުތަށް ބުޅާތައް ގެންދިއުން މަޑުޖައްސާލަން އެގުރިކަލްޗާ އެންޑް އެނިމަލް ވެލްފެއާ މިނިސްޓްރީން އެދިއްޖެ އެވެ.

ވީ ކިހިނެއް؟ - ބުޅާ ބެލެހެއްޓުމަށް ހުޅުވާފައިވާ 'އޮޅުހިޔާ' އަށް ބުޅާތައް ގެންދިއުމުގައި އަމަލުކުރާނެ ގޮތުގެ އުސޫލެއް މިނިސްޓްރީން ސިޓީ ކައުންސިލާ ހިއްސާކުރި އެވެ. އެއާ ގުޅިގެން ކައުންސިލްގެ ޖަވާބެއް ނުލިބިގެން، ކަންބޮޑުވުން ފާޅުކޮށް މިނިސްޓްރީން ނޫސް ބަޔާނެއް މިރޭ ވަނީ ނެރެފަ އެވެ.

ތަފްސީލް - އެނިމަލް ވެލްފެއާ މިނިސްޓްރީގެ ބަޔާނުގައި ބުނެފައިވަނީ މިހާރު ކައުންސިލުން ރާވާފައިވާ ގޮތުން ވަރަށް ގިނަ މައްސަލަތަކެއް ނުކުމެދާނެ ކަމަށެވެ. އެ މިނިސްޓްރީން ފާހަގަކުރި ބައެއް މައްސަލަތަކަކީ:

މި ކަންކަން ފުރިހަމަނުކޮށް އޮޅުހިޔާއަށް ބުޅާތައް ނުގެންދަން ސިޓީ ކައުންސިލުން ވަނީ އެދިފަ އެވެ.

"އޮޅުހިޔާއިން ހިދުމަތް ދޭން ފެށުމުގެ ކުރިން މި މައްސަލަތައް ހައްލުކުރަންޖެހެއެވެ. މިނިސްޓްރީން ވަނީ އަޕްޑޭޓްތައް ހޯދުމަށާއި މައްސަލަތައް ހައްލުކުރުމަށް މާލޭ ސިޓީ ކައުންސިލުގައި އެދިފައެވެ. ނަމަވެސް މިހާތަނަށް މިކަން ކުރެވިފައެއްނުވެއެވެ. އެހެންކަމުން މަތީގައި ބަޔާންކުރި ކަންކަން ފުރިހަމަނުކޮށް އޮޅުހިޔާއަށް ބުޅާތައް ނުގެންދިޔުމަށް ސިޓީ ކައުންސިލަށް އިލްތިމާސްކުރަމެވެ،" މިނިސްޓްރީގެ ބަޔާނުގައިވެ އެވެ.