ގަދަ ވައިގައި އައްޑޫގެ ފަސް ގެއެއްގެ ފުރާޅު އެއްލާލައިފި

މިހާރު ރާއްޖެއަށް ކުރަމުންދާ ވިއްސާރައިގައި އައްޑުއަށް ވައި ގަދަވެ ފަސް ގެއެއްގެ ފުރާޅު މިއަދު އެއްލާލައިފި އެވެ. އެކަމަކު އެއްވެސް މީހަކަށް އަނިޔާއެއް ނުވެ އެވެ.

ވީ ކިހިނެއް؟ - ނޭޝަނަލް ޑިޒާސްޓާ މެނޭޖުމެންޓު އޮތޯރިޓީ (އެންޑީއެމްއޭ) އަދި އެމްއެންޑީއެފްއިން ވެސް ވަނީ ފުރާޅު އެއްލައިލި ގެތަކަށް އެހީތެރިކަން ފޯރުކޮށްދީފަ އެވެ.

ތަފްސީލް - އެންޑީއެމްއޭއިން ބުނީ އޭގެ ތެރެއިން މަރަދޫފޭދޫގައި ފުރާޅު އެއްލާލި ގޭގައި ދިރިއުޅޭ މީހުންނަށް އެހީތެރިކަން ފޯރުކޮށްދިނުމުގެ މަސައްކަތް އައްޑޫ ސިޓީ ކައުންސިލާ ގުޅިގެން ކުރަމުން އަންނަ ކަމަށެވެ.

އެންޑީއެމްއޭ އިން ބުނީ:

މަރަދޫފޭދޫގެ އެގޭގެ އިތުރުން މަރަދޫގެ ގެޔަކާއި ފޭދޫގެ ދެ ގެ އާއި ހުޅުދޫގެ ގެއެއްގެ  ފުރާޅު ވަނީ ގަދަ ވައިގައި އެއްލައިލައިފަ އެވެ.

އެމްއެންޑީއެފްއިން ބުނީ އެ ފަސް ގޭގެ ފުރާޅު ހަދަން އެހީތެރިކަން ދީފައިވާ ކަމަށެވެ.