ވާރޭ ވެހޭ ދުވަހެއްގައި މާލޭގައި އާއިލާއެއް މަޑުކޮށްލައިގެން (ދައުރު ފޮޓޮ/ އަބްދުﷲ އަނޫފް ޖުނައިދް)
މިއީ ދެ މޫސުން ބެދޭ ވިއްސާރަ، ކުރިއަށް އޮތް ތިން ދުވަަަސް ގަދަވާނެ
ރާއްޖެއަށް މިހާރު މިކުރަނީ، ހުޅަނގު މޫސުން ނިމި، އިރުވައި މޫސުން ފެށޭ ދުވަސްވަރު ކުރާ ވިއްސާރަ ކަމަށާއި ކުރިއަށް އޮތް ތިން ދުވަހު ވެސް މޫސުން ގޯސްވާނެ ކަމަށް މެޓު އޮފީހުން ބުނެފި އެވެ.
ވީ ކިހިނެއް؟- އާއްމު ގޮތެއްގައި ރާއްޖެއަށް ހުޅަނގު މޫސުން ލައިގަންނަނީ މެއި މަހުގެ މެދެއްހާ ހިސާބުން، ނޮވެމްބަރު މަހުގެ ނިޔަލަށެވެ. އެއަށް ފަހު ޖެނުއަރީ މަހުން ފެށިގެން މާޗު މަހުގެ ނިޔަލަށް އިރުވައި މޫސުން ދެމިގެން ދެ އެވެ. ޑިސެމްބަރާއި އޭޕްރީލް މަހަކީ ދެ މޫސުން ބެދޭ ދުވަސްވަރެވެ.
މި ދެ މަހު ވެސް ރާއްޖެއަށް ވިއްސާރަ ކުރެ އެވެ.
ތަފްސީލު- މޫސުމާ ބެހޭ އިދާރާއިން ބުނިގޮތުގައި މިހާރު މިކުރަނީ، ހުޅަނގު މޫސުން ނިމި އިރުވަޔަށް އެޅޭއިރު ކުރާ ވިއްސާރަ އެވެ. މިއީ ރާއްޖެ ހިމެނޭ ސަރަހައްދުގައި އުފެދިފައިވާ 'ލޯ ލެވެލް ސާކިއުލޭޝަން' އަކާ ގުޅިގެން ކުރާ ވިއްސާރަ އެކެވެ.
އެތަނުން ބުނިގޮތުގައި:
-
ވޭތުވެ ދިޔަ 24 ގަޑިއިރު ރާއްޖޭގެ ބޮޑުބަޔަކަށް ވިއްސާރަކުރި
-
އެންމެ ގިނައިން ވާރޭ ވެހިފައިވަނީ އައްޑުއަށް. އެގޮތުން ހިތަދޫއަށް 110 މިލިމީޓަރުގެ ވާރޭވެހުނު
މެޓުން ބުނިގޮތުގައި ރާއްޖޭގެ ރަށްތަކަށް ކުރިއަށް އޮތް ތިން ދުވަހު ވެސް ބޯކޮށް ވާރޭވެހޭނެ އެވެ. އެހެންވެ، އެކަމަށް ސަމާލުވުމަށް އެތަނުން އިލްތިމާސް ކުރެ އެވެ.
މިއަދުގެ މޫސުން:
-
ބ. އަތޮޅުން ވ. އަތޮޅަށް އޮތީ ޔެލޯ އެލާޓް ނެރެފައި
-
މި ސަރަހައްދުތަކަށް، ބޯކޮށް ވާރޭވެހި ގުގުރާނެ
-
އަދި ވިލާގަނޑުގައި ގަޑިއަކު 45 މޭލަށް ވައި ގަދަވެ ކަނޑުތައް ގަދަވާނެ ކަމަށް ލަފާކުރޭ
ކޮމެންޓް