އެވޯޑު މައްސަލާގައި އެމްއެމްސީ ހާޒިރުކުރި ކޮމިޓީ މިއަދު ވެސް ސިއްރު

މޯލްޑިވްސް މީޑިއާ ކައުންސިލް (އެމްއެމްސީ) އިން ދިން އެވޯޑުގެ މައްސަލަ ބަލަން އެ ކައުންސިލްގެ މެންބަރުން ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީއަށް ދެ ވަނަ ދުވަހަކަށް ހާޒިރު ކުރުމަށް ފަހު އެ ބައްދަލުވުން ވެސް ސިއްރުކޮށްގެން ފަށައިފި އެވެ.

ވީކިހިނެއް؟ - މިނިވަން މުއައްސަސާތަކުގެ ކޮމިޓީން އެމްއެމްސީގެ މެންބަރުންނާ ބައްދަލުކުރުމަށް އިއްޔެ ވެސް ތާވަލުކުރި އެވެ. އިއްޔެގެ ކޮމިޓީ ވެސް ކުރިއަށް ގެންދިޔައީ ސިއްރުކޮށްގެންނެވެ. އަނެއްކާ މިއަދު ވެސް އެ ކައުންސިލްގެ މެންބަރުން ހާޒިރުކުރި އެވެ.

ތަފްސީލް - މިއަދުގެ ކޮމިޓީ ސިއްރުކުރީ، އާންމު އުސޫލުން ހާމަކޮށް ކޮމިޓީ ފެށުމަށް ފަހު މެންބަރުން ވޯޓު ލައިގެން ސިއްރުކުރަން ފާސްކޮށްގެންނެވެ. އެގޮތުން:

މިނިވަން މުއައްސަސާތަކުގެ ކޮމިޓީން އެމްއެމްސީގެ މެންބަރުންނާ ބައްދަލުކުރުމަށް މިއަދު ތާވަލުކުރީ، ޕީއެސްއެމުން އެ ކައުންސިލްގެ މައްސަލައެއް ބަލައިދިނުމަށް އެދި ހުށަހެޅުމުންނެވެ. އޭގައި ބުނެފައިވަނީ:

އެނގުން މުހިންމު - ޕީއެސްއެމުން ބުނާ ވީޑިއޯއަކީ ރައީސް މުހައްމަދު މުއިއްޒުގެ ދޮންމަންމަ އަދި ސްރީ ލަންކާގެ ރައްޔިތެއް ކަމަށްވާ ޖީ ސްކީލާން ކުރާ ތުހުމަތުތަކުގެ މައްޗަށް 'އަދަދު' ނޫހުން ތައްޔާރުކުރި ވީޑިއޯ ޑޮކިއުމަންޓަރީގެ ތަންކޮޅެކެވެ. އެ ޑޮކިއުމަންޓަރީއަށް ތަހުގީގީ ދާއިރާގެ ވީޑިއޯ ކެޓަގަރީން އެވޯޑު ވަނީ ލިބިފަ އެވެ.  

ގުޅުންހުރި ކަމެއް - އެ ވީޑިއޯގެ މައްސަލައިގައި އެމްއެމްސީގެ ރައީސް އަހްމަދު މުސްތަފާ ޕީއެސްއެމްގައި އަދާކުރައްވަމުން ގެންދެވި ޓެކްނިކަލް އޮޕަރޭޝަންސް މެނޭޖަރުގެ ވަޒީފާއިން ވަކިކޮށް، ފަހުން ވަޒީފާ އިއާދަކޮށްފައިވެ އެވެ.