މަމްދޫހުގެ ޕެންޓް ހައުސްއާއި މުދާތައް ޝަރީއަތް ނިމެންދެން ހިފަހައްޓަން އަމުރުކޮށްފި

ހަންބޯ މޯލްޑިވްސް ކުންފުނި ބޭނުންކޮށްގެން އެ ކުންފުނީގެ ކުރީގެ ހިއްސާދާރު ހަސަން މަމްދޫހު (މަންޑޭ)، ކޭ-ޕާކްގެ ފްލެޓްތައް މަކަރާއި ހީލަތުން ނުއަގުގައި ވިއްކައިގެން ހޯދާފައިވާ ކަމަށް ބެލެވޭ މުދާތަކާއި ޕެންޓްހައުސް ޝަރީއަތް ނިމެންދެން ހިފަހައްޓަން އަމުރުކޮށްފި އެވެ.

ވީކިހިނެއް؟ - ނޮވެމްބަރު 2023އިން ފެށިގެން އެ ޕެންޓްހައުސްއާއި އެ ތަނުގައި ހުރި އަގު ބޮޑު މުދާތައް ހުރީ ފުލުހުންގެ ބެލުމުގެ ދަށަށް ގެނެސްފަ އެވެ. އެއީ ހުޅުމާލެ މެޖިސްޓްރޭޓް ކޯޓުން އެއް އަހަރު ދުވަހަށް ނެރެދިން އަމުރެކެވެ. އެ އަމުރު މާދަމާއަށް ހަމަވެ އެވެ.

ތަފްސީލް - މިއަދު ކްރިމިނަލް ކޯޓުގައި ބޭއްވި އަޑުއެހުމުގައި ދައުލަތް ތަމްސީލްކުރާ ޕްރޮސެކިއުޓަ ޖެނެރަލް (ޕީޖީ) އޮފީހުގެ ވަކީލު ހައްވާ ނާހީ ވިދާޅުވީ މާދަމާއަށް އަމުރުގެ މުއްދަތު ހަމަވާތީ އެ މުއްދަތު އިތުރުކުރަން އެދިވަޑައިގަންނަވާ ކަމަށެވެ. އެގޮތުން:

ދައުލަތުގެ ހުށަހެޅުމަށް ދިފާއީ ވަކީލުން ފާހަގަކުރި ކަމަކީ އެ ތަކެތި ފުލުހުންގެ ބެލުމުގެ ދަށުގައި ބެހެއްޓުމުގެ ބޭނުމެއް އަދި އެއިން ދައުލަތުން ކުރަން އުޅޭ ކަމެއް ސާފު ނުވާ ކަމަށެވެ.

މައްސަލަ ބައްލަވާ ގާޒީ އަލީ ނަދީމް ނިންމެވީ ދައުލަތުން އެދުނު ގޮތަށް އަމުރު ނެރެދިނުމަށެވެ.

އެނގުން މުހިންމު - ތަހުގީގު އަދި ޝަރީއަތުގެ މަރުހަލާގައި ވަގުތީ ގޮތުން މުދާ ހިފެހެއްޓުމުގެ އަމުރަކަށް ދައުލަތަށް އެދެވޭނެ ކަމަށް މަނީ ލޯންޑްރިން އަދި ޓެރަރިޒަަމަށް ފައިނޭންސް ކުރުން ހުއްޓުވުމުގެ ގާނޫނުގެ 51 ވަނަ މާއްދާގައި ބުނެފައިވެ އެވެ.

އެ މާއްދާގައި ބުނަނީ: 

ގުޅުންހުރި ކަމެއް - މަމްދޫހުގެ މުދާތަކުގެ ތެރެއިން ހިފެހެއްޓި ތަކެތީގެ ތެރޭގައި އޭނާ އާއި އޭނާގެ އަންހެނުން ދިރިއުޅެމުންދާ ގާތްގަނޑަކަށް 8 މިލިއަން ރުފިޔާގެ އަގުހުރި ޕެންޓްހައުސް ވެސް ހިމެނެ އެވެ.

ތަހުގީގުގައި އެ ތަނުން ހޯދި ތަކެތީގެ ތެރޭގައި: