ގަަވައިދާ ހިލާފަށް އުޅޭ ބިދޭސީއަކު ގުރައިދޫން ހޯދައި، ފުލުހުންގެ ބެލުމުގެ ފަށަށް ގެންދަނީ
ރަށްރަށުގައި ގަވާއިދާ ހިލާފަށް އުޅޭ ބިދޭސީން ހޯދަން ފަށައިފި
ރަށްރަށުގައި ގަވައިދާ ހިލާފަށް އުޅޭ ބިދޭސީން ހޯދުމަށް އިމިގްރޭޝަނުން ވަރުގަދަ އޮޕަރޭޝަނެއް ފަށައިފި އެވެ.
ވީ ކިހިނެއް؟- އިމިގްރޭޝަނުން މިއަދު ބުނީ 'ރެއިޑް އޮޕަރޭޝަން'ގެ ނަމުގައި މި ހަރަކާތް އެންމެ ފުރަތަމަ ފެށީ ކ. ގުރައިދޫގައި ކަމަށެވެ.
ތަފްސީލް - މީގެ ދެ ދުވަސް ކުރިން ފެށި އެ އޮޕަރޭޝަނުގެ މަގްސަދަކީ ގަވައިދާ ހިލާފަށް ރާއްޖޭގައި އުޅޭ ބިދޭސީންނާއި ގަވައިދާ ހިލާފަށް ކުދި އަދި މެދު ފަންތީގެ ވިޔަފާރިކުރަމުން އަންނަ ބިދޭސީން ދެނެގަނެ އެ މީހުންނާ މެދު ފިޔަވަޅު އެޅުން ކަމަށް އިމިގްރޭޝަނުން ބުންޏެވެ.
ގަވައިދާ ހިލާފަށް އުޅޭ ބިދޭސީން ހޯދުމަށް މާލެތެރެ ބަލާފާސްކުރަން ފެށުމުން، ގިނަ އަދަދެއްގެ ބިދޭސީން ކައިރި ރަށްތަކަށް ދިޔަކަމުގެ ޝަކުވާ ލިބިގެން އެ މީހުން ހޯދުން ވެސް މި އޮޕަރޭޝަންގައި ހިމެނޭ ކަމަށް އެތަނުން ބުންޏެވެ.
އިމިގްރޭޝަންގެ އޮފިސަރުންނާއި ފުލުހުން ގުޅިގެން ފެށި އޮޕަރޭޝަނުގައި ގުރައިދޫން ވަނީ 39 މީހަކު ހިފަހައްޓައި، އިމިގްރޭޝަނުގެ ބެލުމުގެ ދަށަށް ގެންގޮސްފަ އެވެ.
މި ހަރަކާތުގައި:
-
42 ތަނެއް ބަލާފާސްކޮށް 100އަށް ވުރެ ގިނަ ބިދޭސީން ޗެކްކުރި
-
ވިސާ ފުރިހަމަ ނޫން 11 ބިދޭސީން އިމިގްރޭޝަނަށް ހާޒިރުވުމަށް ލިޔުން ދިން
-
ވަޒީފާ ދިން ފަސް ދިވެހިންނަށް ލިޔުމުން ވަނީ ނަސޭހަތް ދީފައި
-
އިމިގްރޭޝަނުގެ ބެލުމުގެ ދަށަށް ގެނަ މީހުންގެ ތެރޭގައި ހިމެނެނީ ބަންގްލަދޭޝް އާއި ނޭޕާލް އާއި ސްރީލަންކާ އަދި އިންޑިއާގެ އިތުރުން ނައިޖީރިއާ މީހެއް
ގުރައިދޫގައި ފެށި އޮޕަރޭޝަނުގައި އިމިގްރޭޝަން ކޮންޓްރޯލާ މުހައްމަދު ޝަމްއާން ވަހީދު ވެސް ބައިވެރިވެވަޑައިގެންނެވި އެވެ. އޭނާ ވިދާޅުވި ގޮތުގައި އިތުރު ރަށްރަށް ވެސް މި އޮޕަރޭޝަންގެ ދަށުން ބަލާފާސްކުރާނެ އެވެ.
ކޮމެންޓް (1)
މިއަރ