އަރަފާތު ޑީޕޯޓުކޮށްފި؛ ބުޅާ މަހުން ކާތަކެތި ހެދި ކަމަށް ހެއްކެއް ނުފެނުނު

ސަހަރާމަގުގައި ހުންނަ ގ. ރަނައުރާގެއާގެ ބައެއްގައި ބަދިގެއް ހިންގަމުން ދިޔަ ބަންގްލަދޭޝްގެ އަރަފާތު ބުޅާ މަހުން ކާތަކެތި ހެދި ކަމަށް އެއްވެސް ވަރަކަށް ހެކި ލިބިފައި ނުވާ ކަމަށް ނިންމުމަށް ފަހު އޭނާ ޑީޕޯޓްކޮށްލައިފި އެވެ.

ވީކިހިނެއް؟ - މާލޭގައި އުޅޭ ބުޅާތައް އެ ގެއަށް ގެންގޮސް މަރައި ކާއެއްޗިހި ހަދަމުންދާ ކަމަށް އާންމުން ތުހުމަތު ކުރުމާ އެކު، އަރަފާތު ހައްޔަރުކުރީ މިދިޔަ 12 އޮގަސްޓްގަ އެވެ. އިމިގްރޭޝަންގެ ބެލުމުގެ ދަށުގައި އޭނާ ބަހައްޓައިގެން ފުލުހުން ތަހުގީގު ފެށި އެވެ.

ކީކޭ ބުނީ؟ - ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ އޭނާ ބުޅާ މަސް އަޅައިގެން އެއްވެސް ކާއެއްޗެއް ތައްޔާރުކުރި ކަމަށް ހެއްކެއް ފެނިފައި ނުވާ ކަމަށެވެ.

ފުލުހުން ބުނީ:

ފާހަގަކޮށްލެވޭ - މާލޭގައި ނުތާހިރު ތަންތަނުގައި، އެއްވެސް ސާފުތާހިރުކަމެއް އަދި ރައްކާތެރިކަމެއް ނެތި ބައެއް ބިދޭސީން ކާތަކެތި އުފައްދައި ތަންތަނަށް ފޯރުކޮށްދެމުންދާ މައްސަލަތަކެއް މި ފަހުން ފެންމަތިވެގެން ކާތަކެތީގެ ރައްކާތެރި ކަމާ މެދު އާންމުންގެ ކަންބޮޑުވުން ބޮޑުވި އެވެ. އެއާ އެކު، އޭގެ ބައެއް އުސޫލުތައް ވަރުގަދަ ކުރި އެވެ.