ބޭންކް އޮފް މޯލްޑިވްސް (ބީއެމްއެލް)ގެ މޮބައިލް ބޭންކިންގެ ހިދުމަތް މީހަކު ބޭނުންކުރަނީ: ފޭކު ސްލިޕް ފޮނުވާ މައްސަލަތައް ގިނަ (ފޮޓޯ/ބީއެމްއެލް)
ޑޮލަރު ފޮނުވި ކަން ފެންނަ ފޭކު ސްލިޕެއް ފޮނުވައިގެން މަކަރުން 28،000ރ. ހޯދި މީހަކު ބަންދަށް
ޑޮލަރު ވިއްކާ ކަމަށް ބުނެ، ރުފިޔާގެ ބަދަލަށް ޑޮލަރު ފޮނުވިކަން ދައްކަން ފޭކު ސްލިޕެއް ފޮނުވި ކަމުގެ ތުހުމަތުގައި މީހަކު ހައްޔަރުކޮށްފި އެވެ.
ވީކިހިނެއް؟ - ޑޮލަރު ފޮނުވިކަން ފެންނަ ފޭކު ސްލިޕެއް ފޮނުވައިގެން މަކަރާއި ހީލަތުން ފައިސާ ހޯދި ކަމަށް ތުހުމަތުކުރާ މީހަކު 15 ދުވަހަށް ބަންދުކުރަން ކްރިމިނަލް ކޯޓުން އިއްޔެ ކޯޓު އަމުރެއް ނެރުނެވެ.
ތަފްސީލް - ކޯޓު އަމުރުން އެނގޭ ގޮތުގައި:
-
މި މައްސަލާގައި ބަންދުކުރި މީހަކީ ޒައިދާން މުހައްމަދު ހާޝިމް، ގ. ސިނަމާލެ، 27
-
ޑޮލަރު ވިއްކާ ކަމަށް ބުނެ ޑޮލަރު ފޮނުވިކަން ފެންނަ ފޭކު ސްލިޕެއް ފޮނުވި.
-
މަކަރާއި ހީލަތުން، އެ މުއާމަލާތުގައި 28،000ރ. އަށް ވުރެ ގިނަ ފައިސާ ހޯދި.
-
ހާޝިމްގެ އާއިލާއިން ފައިސާގެ ބައެއް ދައްކައި، ފައިސާ އަނބުރާ ދޭން އެއްބަސްވެފައިވޭ.
ގުޅުންހުރި - ސައްހަ ނޫން ބޭންކު ސްލިޕު ފޮނުވުން އިތުރުވެފައިވާތީ އެކަމާ މެދު ވިޔަފާރިވެރިން ހޭލުންތެރި ކުރުމަށް 'އޮޕަރޭޝަން ފޭކް ސްލިޕް'ގެ ނަމުގައި ފުލުހުން އޮޕަރޭޝަނެއް ވެސް ފެށި އެވެ.
ކޮމެންޓް