ވޭޕް ކުރުމާއި ސިނގިރެޓް ބުޔުން މަނާކަން އަންގައިދޭ ބޯޑެއް ބަހައްޓާފައި
ވޭޕް މަނާކުރުން: ގިނަ ބަޔަކު ބުނީ މުސްތަގްބަލަށް މުހިންމު ނިންމުމެއް ކަމަަށް
ވޭޕްކުރަން ބޭނުންކުުރާ އެންމެހާ ތަކެތި ރާއްޖެ އެތެރެކުރުމާއި ބޭނުންކުރުން މަނާކުރަން ސަރުކާރުން މިއަދު ނިންމައި ރައީސް މުހައްމަދު މުއިއްޒު އެކަން މިއަދު އިއުލާނުކުރެއްވުމާ އެކު ގިނަ ބަޔަކު އަންނަނީ އެ މީހުންގެ ޝުއޫރުތައް އެކަމުގައި ފާޅުކުރަމުންނެވެ. ވޭޕް މަނާކުރުން ސިއްހީ ދާއިރާގެ ފަރާތްތަކާއި ބައެއް އާންމުން ސިފަކުރީ ރަނގަޅު ކަމެއްގެ ގޮތުގަ އެވެ. ހިތްވަރު ގަދަ ނިންމުމެއްގެ ގޮތުގަ އެވެ.
އެ ނިންމުމާ ގުޅިގެން އޭޑީކޭ ހޮސްޕިޓަލުގެ މެނޭޖިން ޑިރެކްޓަރު އަހްމަދު އައްފާލް 'އެކްސް'ގައި ވިދާޅުވީ އެ ނިންމުމުގެ ސަބަބުން ރާއްޖޭގެ ސިއްހީ ހާލަތަށް ވަރަށް ބޮޑު ކުރިއެރުމެއް އަންނާނެ ކަމަށް ގަބޫލުކުރައްވާ ކަމަށެވެ.
Thank you Mr. President.
— Afaal🇲🇻 (@ahmedafaal) October 14, 2024
This will definitely have a very positive impact on the health status of this country. https://t.co/22sFBushGv
ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ "އެކްސް"ގައި ވިދާޅުވީ ރައީސްގެ އެ ނިންމެވުމަކ ގައުމުގެ މާދަމާގެ މުސްތަގްބަލަށް ޓަކައި ނިންމެވި ވަރަށް ބޭނުންތެރި ނިންމެވުމެއް ކަމަށެވެ.
ވޭޕުގެ ނުރައްކަލުން ދިވެހި ޤައުމު ސަލާމަތް ކުރެއްވުމުގެ މަތިވެރި މަޤްޞަދުގައި ރައީސުލް ޖުމްހޫރިއްޔާ ޑރ.މުޙައްމަދު މުޢިއްޒު މިއަދު ތިޔަ ނިންމެވި ވަރުގަދަ ނިންމެވުމަކީ މި ޤައުމުގެ މާދަމާގެ މުސްތަޤްބަލަށް ޓަކައި ނިންމެވި ނުހަނު ބޭނުންތެރި ނިންމެވުމެކެވެ. މަރުހަބާ އާއި ތަހްނިޔާ… https://t.co/ipHxFr2Lm7
— Abdul Raheem Abdulla (@Banafsaa) October 14, 2024
ބަންޑާރަނައިބު އަހުމަދު އުޝާމް "އެކްސް"ގައި ކުރެއްވި ޕޯސްޓުގައި ވިދާޅުވީ މިއީ ޅަދަރިންނާއި ޒުވާނުން އަދި ގައުމުގެ ހުރިހާ ރައްޔިތުންގެ ހައްގުގައި ރައީސް ނިންމެވި ނިންމެވުމެއް ކަމަށެވެ. ރައީސްގެ ނިންމެވުން ތަންފީޒުކުރުމަށްޓަކާ ގާނޫނުތަކަށް ގެންނަންޖެހޭ އިސްލާހުތައް މިހަފްތާގެ ތެރޭގައި މަޖިލީހަށް ފޮނުވާނެކަމުގެ ޔަގީންކަން ވެސް އޭނާ ދެއްވި އެވެ.
އަޅުގަނޑުމެންގެ ޅަދަރިންނާއި ޒުވާނުން އަދި ގައުމުގެ ހުރިހާ ރައްޔިތުންގެ ޙައްޤުގަ ރައީސް ނިންމެވި ނިންމެވުމަށް މަރުހަބާ ދަންނަވަން. 👏🏾👏🏾👏🏾
— Ahmed Usham (@a_usham) October 14, 2024
ރައީސްގެ ނިންމެވުން ތަންފީޒުކުރުމަށްޓަކާ ގާނޫނުތަކަށް ގެންނަންޖެހޭ އިސްލާހުތައް މިހަފްތާގެ ތެރޭގައި މަޖިލީހަށް ފޮނުވުމަށް ކުރަންޖެހޭ… https://t.co/sJTGK73n0P
"އެގޮތުން ދުންފަތް ކޮންޓްރޯލްކުރުމާބެހޭ ގާނޫނާއި ދިވެހިރާއްޖޭގެ އެކްސްޕޯޓް އިމްޕޯޓް ގާނޫނަށް އިސްލާހު ގެނައުމަށް މަޖިލީހަށް ހުށަހެޅުމަށް ވާނީ ނިންމާފައި،" އުޝާމް ވިދާޅުވި އެވެ.
ހޯމްލޭންޑް އެންޑް ސެކިއުރިޓީ މިނިސްޓަރު އަލީ އިހުސާން ޒުވާނުން މަސްތުގެ މަގަށް އެންމެ ފަސޭހަކަމާއެކު އަނބުރާލާ ކަމެއްގެ ގޮތުގައު އޮތީ ވޭޕް ކުރުން ކަމަށެވެ. އެހެންކަމުން ރައީސް މުއިއްޒު މިއަދު ނިންމެވި ނިންމުމަކީ މިގައުމު ތާއަބަދަށް ޝުކުރުވެރިވާނެ ގައުމީ ބޮޑު ނިންމެވުމެއް ކަމަށް އޭނާ ވިދާޅުވި އެވެ.
Dhivehi dharin masthuge magah faseyhakamaaieku amburaalaa kamehge gothugai oiyy “Vape kurun” Manaa kurumah Raeesul jumhooriyya @MMuizzu nimmevi nimmevumakee miqaumu thaa abadhah shukuruverivaane qaumee bodu nimmevumeh. Shukuriyya Raees. 🇲🇻 https://t.co/7YMvcIxjM3
— Minister of Homeland Security & Technology (@min_mohst) October 14, 2024
މުހައްމަދު ސިނާންގެ ނަމުގައި "އެކްސް"ގައި ހިޔާލުފާޅުކުރި މީހަކު ބުނީ މިއީ ފަހުގެ ތާރީހެއްގައި ރާއްޖޭގެ ޒުވާނުންނާއި ކުޑަކުދިން އަވާއެއްގައި ޖެހި ހަލާކުވާން ދޫކޮށްނުލާ އެކަމަށް ހަރުދަނާ ފިޔަވަޅު އެޅި ފުރަތަމަ ފަހަރު ކަމަށެވެ.
ޑައިބެޓިކް ސޮސައިޓީ އޮފް މޯލްޑިވްސް އިން ވެސް ވަނީ އެ ނިންމުމަށް ތާއިދުކޮށްފަ އެވެ. އެ ޖަމްއިއްޔާއިން ބުނީ އެ ފިޔަވަޅަކީ އާންމު ސިއްހީ ދުޅަހެޔޮކަން އިތުރުކޮށްދޭނެ ކަމެއް ކަމަށެވެ. އަދި ހަކުރު ބަލި ޖެހުމުގެ ފުރުސަތު ކުޑަކޮށްދޭނެ ކަމަށް ވެސް ބުންޏެވެ. ނިކޮޓިން އާއި ވޭޕުގައި ހިމެނޭ ނުރައްކާތެރި މާއްދާތަކުން ސިއްހަތަށް ގެއްލުން ލިބި ކުރިމަތިލާ ސިއްހީ މައްސަލަތައް މަދުކުރެވޭނެ ކަމަށް ޑައިބެޓިކް ސޮސައިޓީން ގަބޫލުކުރެ އެވެ.
DSM welcomes the President's decision to ban vaping in the Maldives. We believe that this measure will help protect public health and reduce the prevalence of diabetes and other related health issues linked to nicotine and other harmful substances found in vapes. https://t.co/CkipYjGmfe
— DSM (@dsmaldives) October 14, 2024
އެ ނިންމުމާ އެކު ބައެއް މީހުން ގެންދަނީ ވޭޕް މަނާކުރުމުގެ އިތުރަށް ދުންފަތާއި ދުންފަތާ ގުޅުންހުރި އެހެން ބާވަތްތައް ވެސް މަނާކުރަން ގޮވާލާފަ އެވެ. އޭގެ ތެރޭގައި ސިނގިރޭޓާއި ސީޝާ ފަދަ ތަކެތި މަނާކުރަން އަންނަނީ ގޮވާލަމުންނެވެ.
Great decision! 👏🏽 Ban the import, sale and using of cigarettes too. https://t.co/g5DjCjyJqF
— Lamhath_ 🇵🇸 (@lamhath) October 14, 2024
އިތުރަށް ކިޔާލަން
ވޭޕްކުރުމަށް ބޭނުންކުރާ ތަކެއްޗާއި އެ ތަކެތީގެ ވަކިވަކި ބައިތައް ރާއްޖެއަށް އެތެރުކުރުން އަންނަ 15 ނޮވެމްބަރުން ފެށިގެން މަނާކުރަން ނިންމާފައިވާއިރު ވޭޕްކުރުމަށް ބޭނުންކުރާ ތަކެތި ބޭނުންކުރުމާއި، ގެންގުޅުމާއި، އުފެއްދުމާއި، ވިއްކުމާއި، ރާއްޖޭގައި އިޝްތިހާރު ކުރުމާއި ހިލޭބެހުން 15 ޑިސެމްބަރުން ފެށިގެން މަނާވާނެ އެވެ.
ވޭޕް އާއި އީ-ސިނގިރޭޓް ރާއްޖޭގައި އާންމުވެ އެކަމުގެ ސަބަބުން ޒުވާނުންނާއި އެކި އުމުރުފުރައިގެ މީހުންގެ ސިއްހަތަށް ނޭދެވޭ އަސަރުކޮށް އެކަމާ ގުޅިފައިވާ ސީރިއަސް ސިއްހީ މައްސަލަތައް ރާއްޖޭގައި ވެސް ދަނީ އިތުރުވަމުންނެވެ. އެކަމާ ގުޅިގެން ވޭޕް އާއި އީ-ސިގިރޭޓް ރާއްޖޭގައި މަނާކުރަން އެކި ޖަމްއިއްޔާ ޖަމާއަތްތަކުން ސަރުކާރަށް ދިޔައީ ގޮވާލައި ބާރުއަޅަމުންނެވެ.