މާދަމާރޭ 12ގެ ކުރިން އެޕާޓްމެންޓްތައް ހަވާލުކުރަން ބައްސާމަށް އަންގައިފި

އެފްއޭއެމްގެ ހިޔާނާތުގެ ފައިސާއިން އެ އެސޯސިއޭޝަންގެ ކުރީގެ ރައީސް ބައްސާމް އަދީލް ޖަލީލު ގަތް ކަމަށް ތުހުމަތުކުރެވޭ ދެ އެޕާޓްމަންޓް މާދަމާ ރޭ 12ގެ ކުރިން ހަވާލު ކުރުމަށް ފުލުހުން އަންގައިފި އެވެ.

ވީ ކިހިނެއް؟ - ފުލުހުން ކުރިން ބުނެފައި ވަނީ ބައްސާމުގެ އެދުމުގެ މަތިން އެ ދެ އެޕާޓްމެންޓް ހަވާލުކުރުން މި މަހުގެ 31 އަށް ލަސްކޮށްފައިވާ ކަމަށެވެ. ނަމަވެސް މިރޭ ފުލުހުން ނެރުނު ބަޔާނެއްގައި ބުނީ ބަލަންޏޖެހޭ ކަންތައް ބެލުމަށް ފަހު ބައްސާމު އެދުނު ގޮތަށް އެޕާޓުމެންޓް ހަވާލުކުރުން ލަސްކޮށްދެވެން ނެތް ކަމަށް ނިންމާފައިވާ ކަމަށެވެ.

ތަފްސީލް - ފުލުހުން މިރޭ ނެރުނު ބަޔާނުގައިި ބުނީ ދެ އެޕާޓްމެންޓް ހުސްކޮށް އެ ތަންތަނާ ހަވާލުވުމުގެ މަސައްކަތް ކުރަމުން އަންނަ ކަމަށެވެ.

"އަދި 2024 އޮކްޓޯބަރު 8 ވަނަ ދުވަހުގެ ރޭ 12އާ ހަމައަށް އެޕާޓްމެންޓް ހަވާލު ނުކޮށްފި ނަމަ ގާނޫނީ އިމުގެ ތެރެއިން އެޕާޓްމެންޓް މި ހިދުމަތުގެ ބެލުމުގެ ދަށަށް ނެގުމަށް އަޅަން ޖެހޭ ފިޔަވަޅުތައް އަޅަމުން ގެންދާނެ ވާހަކަ ދެންނެވީމެވެ،" ފުލުހުން ބުންޏެވެ.

ކޮވިޑުގެ ދުވަސްވަރު ފުޓްބޯޅަ ކްލަބްތަކަށް ދިމާވީ މާލީ ދަތިތަކުން އަރައިގަތުމަށް އެފްއޭއެމުން، ފީފާ މެދުވެރިކޮށް ނެގި ލޯނު ފައިސާއިން ބައްސާމް ގަތް ކަމަށް ބުނާ އެ ދެ އެޕާޓްމަންޓްގެ މައްސަލައިގައި ބައްސާމްގެ މައްޗަށް ދައުވާކޮށްދިނުމަށް މިދިޔަ މަހު އޮތީ ފޮނުވާފަ އެވެ.

އެއީ ހުޅުމާލޭ އަމީން އެވެނިއުގެ އޭ ބްލޮކުގެ ދެ އެޕާޓްމެންޓެވެ.

ފާހަގަކޮށްލެވޭ ކަމެއް - މިދިޔަ މަހުގެ 18ގައި ފުލުހުން ބޭއްވި ނޫސްވެރިންގެ ބައްދަލުވުމުގައި ހާމަކޮށްފައިވާ ގޮތުގައި: