ޑރ. ފަޒްނާ: އޭނާ ހާއްސަ ވެވަޑައިގެންފައިވަނީ އޯޓިޒަމް ފަދަ ބަލިތަކަށް.
އޯޓިޒަމް ފަދަ މައްސަލަތައް ދެނެގަތުމަށް ހާއްސަ ޑރ. ފަޒްނާ ފަރުވާ ދޭން ފައްޓަވައިފި
ރާއްޖޭގެ ފުރަތަމަ ޑިވެލޮޕްމެންޓް ޕީޑިއެޓްރިޝަން ޑރ. އައިމިނަތު ފަޒްނާ އައިޖީއެމްއެޗުގައި ފަރުވާ ދޭން ފައްޓަވައިފި އެވެ.
ވީ ކިހިނެއް؟ - ކިޔަވާ ވިދާޅުވުމަށް ފަހު އެނބުރި ވަޑައިގަތްކަން އިއުލާން ކުރަމުން، އައިޖީއެމްއެޗުން މިއަދު ބުނީ ފަޒްނާ ހާއްސަ ވެވަޑައިގެންފައިވަނީ، ކުޑަކުދިންގެ ކިބައިގައި ހުންނަ އޯޓިޒަމް އާއި އޭޑީއެޗްޑީ އާއި ދަސްކުރުމުގެ ނުކުޅެދުންތެރިކަން ފަދަ ބަލިތަކަށް ކަމަށެވެ.
ތަފްސީލް - އެ ފަދަ ބަލިތައް ދެނެގަތުމަށް ހަދާ، 'ބޭލޭ-4' އާއި 'އޭޑީއޯއެސް-2' ފަދަ އެންމެ ފެންވަރު ރަނގަޅު މިންގަނޑުތައް ބޭނުންކޮށްގެން، ފުރިހަމަ އެސެސްމެންޓުތައް ހެދުމުގެ ހުނަރު ފަޒްނާއަށް ލިބިވަޑައިގެންފައިވާ ކަމަށް އެ ހޮސްޕިޓަލުން ބުންޏެވެ.
އައިޖީއެމްއެޗުން ބުނި ގޮތުގައި، ކަމާ ގުޅޭ ތިން އަހަރު ދުވަހުގެ ތަމްރީނުތައް އޭނާ ފުރިހަމަކުރައްވާފައިވަނީ، މެލޭޝިއާގެ ނެޝަނަލް ޔުނިވަސިޓީ އާއި އެމެރިކާގެ ޔުނިވަސިޓީ އޮފް ކެލިފޯނިއާ އިންނެވެ.
We are delighted to announce the first Maldivian Developmental Pediatrician, Dr. Aminath Fazna, skilled in conducting comprehensive developmental and diagnostic assessments for Autism, ADHD, Learning Disability and various Developmental Disorders in children utilizing top-tier… pic.twitter.com/ZZuU9GTBhJ
— IGMH (@igmhmv) October 3, 2024