ކަރަންޓުގެ މައްސަލަ ދިމާވެފައިވާ އައްޑޫން ފެން ވެސް ކެނޑިދާނެ

އައްޑޫގެ ގުޅިފައިވާ ރަށްތަކުން ފެނުގެ ހިދުމަތް މެދުކެނޑުމަކީ އެކަށީގެންވާ ކަމެއް ކަމަށް، އެ ހިދުމަތް ފޯރުކޮށްދޭ ފެނަކަ ކޯޕަރޭޝަނުން މިއަދު ބުނެފި އެވެ.

ވީ ކިހިނެއް؟ - އައްޑުއަށް ފެނާއި ކަރަންޓު ފޯރުކޮށްދޭ ފެނަކަ އިން ބުނީ އެ ރަށްތަކަށް ފެން ފޯރުކޮށްދިނުމަށް ފެން އުފެއްދުމަށް ބޭނުންކުރާ އާރުއޯ ޕްލާންޓުގެ ބޯހޯލް ޕަމްޕަށް މައްސަލައެއް ދިމާވެ ޕްލާންޓު ހުއްޓިފައިވާ ކަމަށެވެ.

ތަފްސީލް - އެ ކުންފުނިން ބުނީ މައްސަލަ ހައްލުކޮށް، ފެން ޕްލާންޓު އޮޕަރޭޝަނަށް ގެނައުމުގެ މަސައްކަތް ކުރަމުންދާ ކަމަށެވެ.

ނަމަވެސް، ފެން އުފެއްދުން ހުއްޓިފައިވާތީ އެ ރަށްތަކަށް ފޯރުކޮށްދޭ ފެން ހުސްވެ، ހިދުމަތް މެދުކެނޑުމަކީ އެކަށީގެންވާ ކަމެއް ކަމަށް ފެނަކަ އިން ބުންޏެވެ.

ފެނަކަ އިން ބުނީ:

ފާހަގަ ކުރެވޭ - އައްޑޫގައި ފެން އުފައްދާ ޕްލާންޓަށް މައްސަލަ ދިމާވެ ފެން އުފެއްދުން ހުއްޓިފައި ވާއިރު، އެ ސިޓީއަށް ފެނަކަ އިން ފޯރުކޮށްދޭ ކަރަންޓުގެ ހިދުމަތަށް ވެސް ދޭތެރެ ދޭތެރެއިން ބުރޫ އަރަ އެވެ. އެގޮތުން، މިދިޔަ ހަފްތާގައި ވެސް ގުޅިފައިވާ ރަށްތަކުން ދޭތެރެ ދޭތެރެއިން ކަރަންޓު ކެނޑުމުގެ މައްސަލަ ކުރިމަތިވި އެވެ.

ކަރަންޓު މައްސަލައަށް ވަގުތީ ހައްލެއް ގެނެސްފައި ވާއިރު، އެ މައްސަލައަށް ދާއިމީ ހައްލެއް ލިބޭނީ ހައިވޯލްޓޭޖު ސިސްޓަމް އަޕްގްރޭޑުކޮށްގެން ކަމަށް ފެނަކަ އިން ބުންޏެވެ.