އައްޑޫން ކަރަންޓު ކެނޑެނީ ކޭބަލަށް ގެއްލުން ވެގެން: މޭޔަރު

އައްޑޫގެ ގުޅިފައިވާ ރަށްތަކުން އަދިވެސް ކަރަންޓު ކެނޑެމުންދާ ކަމަށާއި އެ މައްސަލަ ދިމާވަނީ އައްޑޫގެ ގުޅިފައިވާ ރަށްތަކަށް ކަރަންޓު ފޯރުކޮށްދޭ ހައި ވޯލްޓޭޖު ކޭބަލަށް ގެއްލުން ވެގެން ކަމަށް އައްޑޫ މޭޔަރު އަލީ ނިޒާރު މިއަދު ވިދާޅުވެއްޖެ އެވެ.

ވީ ކިހިނެއް؟ - އައްޑޫގެ ގުޅިފައިވާ ރަށްތަކުން ފާއިތުވި ދެތިން ދުވަހުން ފެށިގެން ދަނީ ކަރަންޓު ކެނޑެމުންނެވެ. މީގެ ކުރިން ވެސް ކަރަންޓު ކެނޑުމުގެ މައްސަލަ އައްޑުއަށް ކުރިމަތިވި އެވެ.

ތަފްސީލް - އެ ރަށްތަކަށް ކަރަންޓު ފޯރުކޮށްދޭ ފެނަކައިގެ ރަސްމީ ބަހެއް އެކަމުގައި ނުލިބުނު ނަމަވެސް، އެނގިފައިވާ ގޮތުގައި، އައްޑޫގެ ގުޅިފައިވާ ރަށްތަކުން ކަރަންޓުގެ ހިދުމަތް މެދުކެނޑެނީ ކަރަންޓުގެ ހިދުމަތް ފޯރުކޮށްދޭން އަޅާފައިވާ ކޭބަލްތަކަށް ގެއްލުން ވެފައިވާތީ އެވެ.

އައްޑޫގެ ގުޅިފައިވާ ރަށްތަކުގެ މަގު ހެދުމުގެ މަސައްކަތް ކުރިއަށް ދާއިރު، އެ މަސައްކަތުގެ ތެރެއިން ކަރަންޓު ކޭބަލަށް ގެއްލުންވެ ދޭތެރެ ދޭތެރެއިން ކަރަންޓު ކެނޑެ އެވެ.

ބުނީ ކީކޭ؟ - ކަރަންޓު މައްސަލައާ ގުޅޭ ގޮތުން މޭޔަރު ނިޒާރު ދެއްވި ވީޑިއޯ އިންޓަވިއުއެއްގައި ވެސް ވިދާޅުވީ އައްޑޫގެ ކަރަންޓު މައްސަލަ ދިމާވަނީ ގަމަށް ކަރަންޓު ފޯރުކޮށްދޭ ހައި ވޮލްޓޭޖު ކޭބަލަށް މައްސަލައެއް ދިމާވެގެން ކަމަށެވެ.

"މަސައްކަތެއް ކުރުމުގެ ތެރޭ ލިބިފައިވާ ގެއްލުމާ އެކު އެކަން ރަނގަޅު ނުކުރެވި އޮތީ. ގަމަށް ކަރަންޓު ދޭ ކޮންމެ ފަހަރަކު ޕަވަސްޓޭޝަނުން ކަރަންޓު ފެއިލްކޮށްލަނީ. އެކަމާ ހުރެ އައްޑޫގެ ތަންތަނުން ކަރަންޓު ކަނޑަން ޖެހި މި މައްސަލަ ދިމާވަނީ،" އޭނާ ވިދާޅުވި އެވެ.

ކަރަންޓު މައްސަލަ ހައްލު ކުރުމަށް ފެނަކައިގެ އިންޖިނިއަރުން މަސައްކަތް ކުރަމުންދާ ކަމަށް ވެސް މޭޔަރު ވިދާޅުވި އެވެ.

ގުޅުން ހުރި - ފެނަކައިގެ މެނޭޖިން ޑިރެކްޓަރު މުއާޒު މުހައްމަދު ރަޝީދު މީގެ ކުރިން ނޫސްވެރިންގެ ބައްދަލުވުމެއްގައި ވިދާޅުވެފައި ވަނީ، އައްޑޫގެ ކަރަންޓުގެ މައްސަލަ އެއްކޮށް ހައްލުވާނީ، މިހާރު ޗައިނާގެ ކުންފުންޏަކާ ހަވާލުކޮށްގެން ކުރިއަށް ގެންދާ މަޝްރޫއު ނިމުމުން ކަމަށެވެ. އެކަމަށް ދޮޅު އަހަރު ނޫނީ ދެ އަހަރު ނަގާނެ ކަމަށް އޭނާ ވިދާޅުވެފައިވެ އެވެ.

އެ މަސައްކަތުގެ ދަށުން: