ބިދޭސީ އަންހެނަކު ލައްވައި ހަށި ވިއްކުވި މީހާގެ މައްޗަށް ޓްރެފިކް ކުރުމުގެ ކުށް ސުޕްރީމް ކޯޓުން ވެސް ސާބިތެއް ނުވި

ކެންޔާ އަންހެނަކު ރާއްޖެ ގެނެސް އެ މީހާ ލައްވައި ހަށި ވިއްކުވި ކަމުގެ ކުށް ސާބިތުވެފައިވާ ސ.ހިތަދޫ / ސައުތުކްރޯސް، މޫސާ މުންތަސިމްގެ މައްޗަށް މީހަކު ޓްރެފިކް ކުރުމުގެ ކުށުގެ ދައުވާ ސާބިތުނުވާ ކަމަށް ސުޕްރީމް ކޯޓުން ވެސް މިއަދު ކަނޑައަޅައިފި އެވެ.

މައްސަލައިގެ ފެށުން - އޭނާ ހައްޔަރުކުރީ 17 ޑިސެމްބަރު 2016 ގަ އެވެ. ފުލުހުންނަށް ލިބުނު މައުލޫމާތަކާ ގުޅިގެން މާލޭގެ ގެސްޓްހައުސެއްގެ ކޮޓަރިއެއްގެ ދޮރު ވައްޓާލައި ބިދޭސީ އަންހެން މީހާ އާއި އިތުރު ބިދޭސީ ފިރިހެނަކު އަތުލައިގަތެވެ. 

މި މައްސަލާގައި މުންތަސިމްގެ މައްޗަށް މީހަކު ލައްވައި ހަށި ވިއްކުމުގެ ކުށުގެ ދައުވާގެ އިތުރުން މީހަކު ޓްރެފިކް ކުރުމުގެ ކުށުގެ ދައުވާ ވެސް އުފުލި އެވެ.

އެކަމަކު ކްރިމިނަލް ކޯޓުގައި ސާބިތުވީ ހަށި ވިއްކުމުގެ ދައުވާ އެކަންޏެވެ. އެކަމާ ގުޅިގެން އެ ކޯޓުން ހަތް އަހަރުގެ ޖަލު ހުކުމެއް އިއްވި އެވެ. ކްރިމިނަލް ކޯޓުގެ ނިންމުމަށް ބަދަލެއް ގެންނަން ނުޖެހޭ ކަމަށް ހައި ކޯޓުން ނިންމީ 2019ގަ އެވެ.

ވީ ކިިހިނެއް ؟ - ދައުލަތުން ދެކެނީ މުންތަސިމްގެ މައްޗަށް މީހަކު ޓްރެފިކް ކުރުމުގެ ކުށް ވެސް ސާބިތުވާން ޖެހޭ ކަމަށެވެ. އެހެންވެ ހައި ކޯޓުގެ ނިންމުން ސުޕްރީމް ކޯޓުގައި އިސްތިއުނާފު ކުރީ ދައުލަތުންނެވެ.

ތަފްސީލް - ކެންޔާ މީހާ ރާއްޖެ ގެނައީ މުންތަސިމަކީ ފުޅާ ދާއިރާއެއްގައި ވިޔަފާރިކުރާ މީހެއް ކަމަށް ބުނެ އޮޅުވާލައިގެން ކަމަށާއި ކެންޔާ މީހާގެ ޕާސްޕޯޓު އަތުލައި އަނބުރާ ނުދީ މަޖުބޫރު ކޮށްގެން ގެންގުޅުނު ކަމަށް ދައުލަތުން ތުހުމަތުކުރެ އެވެ.

ދައުލަތުން ގަބޫލު ކުރާ ގޮތުގައި މުންތަސިމްގެ މައްޗަށް ކުށް ސާބިތު ވަނީ މީހުން ޓްރެފިކް ކުރުން މަނާކުރާ ގާނޫނުގައި ކުށް ސާބިތުވާ މިންގަނޑުތަކުގައި ބަޔާންކުރާ މި ހާލަތްތައް މި މައްސަލާގައި ހިމެނޭތީ އެވެ. އެގޮތުން: 

ސުޕްރީމް ކޯޓުގެ ހުކުމް - ސުޕްރީމް ކޯޓުގެ ތިން ފަނޑިޔާރުންގެ އިއްތިފާގުން މިއަދު ހުކުމްކުރީ ހައި ކޯޓުގެ ނިންމުމަށް ބަދަލު ގެންނަން ޖެހޭ ސަބަބެއް ނެތް ކަމަށެވެ. އެއީ:

ސުޕްރީމް ކޯޓުގައި މައްސަލަ ބެއްލެވި ފަނޑިޔާރުންގެ ބެންޗުގައި ތިއްބެވީ:

ސުޕްރީމް ކޯޓު އަޑުއެހުމުގެ ވީޑިއޯ: