މާލޭ ގެއެއްގައި ބަންދުކޮށްފައި ހުރި އަންހެނަކު ފުލުހުން ބާރުގެ ބޭނުންކޮށްގެން ސަލާމަތް ކޮށްފި

މާލޭ ގެޔެއްގައި ބަންދުކޮށްފައި ހުރި އަންހެނަކު ފުލުހުން ބާރުގެ ބޭނުންކޮށްގެން މިރޭ ސަލާމަތް ކޮށްފި އެވެ.

ވީ ކިހިނެއް؟ - މާފަންނު ގެޔެއްގައި އަންހެނަކު ބަންދުކޮށްފައި ހުރި ކަމަށް ތުހުމަތު ކުރެވޭ މައްސަލައަކާ ގުޅިގެން ފުލުހުން ވަނީ ހަރަކާތްތެރިވެފަ އެވެ.

ތަފްސީލް - އެކަމާ ގުޅިގެން ފުލުހުން ބުނީ ފިރިހެނަކު، އަންހެންމީހާ އަށް އެގޭ ތެރޭގައި ވެސް އަދި މަގުމައްޗަށް ނެރެ ވެސް އަނިޔާކޮށްފައިވާ ކަމަށެވެ.

ފުލުހުން އެ އަންހެންމީހާ ސަލާމަތް ކުރަން އުޅެފި ނަމަ އަންހެންމީހާ މަރާލާނެ ކަމަށް ބުނެ ކަރުގައި ވަޅިޖައްސާ ފުލުހުންނަށް އިންޒާރުދިން ކަމަށް ވެސް ބުންޏެވެ.

ފުލުހުން އިތުރަށް ބުނީ: 

ފުލުހުން ބުނީ އަންހެން މީހާގެ ފުރާނަ ސަލާމަތްކުރުުމަށް ފުލުހުން ބާރުގެ ބޭނުންކޮށްފައިވާ ކަމަށެވެ. 

ބާރުގެ ބޭނުންކުރުމުގެ ސަބަބުން ފިރިހެން މީހާ އަށް އަނިޔާވެގެން އޭޑީކޭ ހޮސްޕިޓަލަށް ގެންދިޔަ ކަމަށް ފުލުހުން ބުންޏެވެ.

ބަންދުކޮށްފައި ހުރި އަންހެން މީހާ އަށް އައިޖީއެމްއެޗުގައި ފަރުވާދެމުންދާ ކަމަށާއި އޭނާގެ ހާލު ރަނގަޅު ކަމަށް ހޮސްޕިޓަލާ ހަވާލާދީ ފުލުހުން ބުންޏެވެ.

ފުލުހުން ދަނީ އެ ހާދިސާ ތަހުގީގު ކުރަމުންނެވެ.