ރިލްވާން ބައްޕަ އަބްދުﷲ މޫސާ: މިއަދުގެ ވަގުތެއްގައި ވަނީ މަރުވެފައި
ރިލްވާންގެ ބައްޕަ އަބްދުﷲ މަރުވެއްޖެ
މީގެ 10 އަހަރު ކުރިން ވަގަށް ނަގައި ގެއްލުވާލި ނޫސްވެރިޔާ އަހްމަދު ރިލްވާންގެ ބައްޕަ އަބްދުﷲ މޫސާ ރޭ މަރުވެއްޖެ އެވެ.
ވީ ކިހިނެއް؟ - ރިލްވާންގެ ބައްޕަ މަރުވެފައި ވަނީ އުމުރުން 79 އަހަރުގަ އެވެ. މިއަދު އަސްރު ނަމާދަށް ފަހު ކަށުނަމާދު ބޭއްވުމަށް ވަނީ ހަމަޖެހިފަ އެވެ.
ކަށުނަމާދު ޕޭޖުން ކޮށްފައިވާ ޕޯސްޓުގައިވާ ގޮތުން:
-
ކަށުނަމާދު އޮތީ ހުޅުމާލޭ ސަހަރާ މިސްކިތުގައި
-
މޫނު ދެއްކުން އޮތީ ހެނދުނު 11 އިން ފެށިގެން
ފާހަގަކޮށްލެވޭ ކަމެއް - އަބްދުﷲ މޫސާގެ ދަރިފުޅު، ރިލްވާން ގެއްލުވާލާފައި އޮގަސްޓު 2014ގަ އެވެ. އޭގެ ފަހުން، މިވީ 10 އަހަރު މި މައްސަލައަށް އިންސާފު ހޯދުމަށް އޭނާ ގިނަ މަސައްކަތްތަކެއް ކޮށްފައިވެ އެވެ. މަރުގެން ގޮސްފައި އެ ވަނީ، މި މައްސަލައަށް އިންސާފު ނުލިބި އަދި ރިލްވާނަށް ވީ ގޮތެއް ވެސް ނުހޯދި އޮއްވަ އެވެ.
"އަބްދުﷲ ހަޔާތުގެ އެންމެ ފަހު 10 އަހަރު ދުވަސް ވޭތުކޮށްފައި ވަނީ، ރިލްވާން ގަދަކަމުން ގެއްލުވާލި މައްސަލައިގެ އިންސާފުގެ އިންތިޒާރުގައި،" ރިލްވާންގެ މައްސަލައިގައި އިންސާފަށް ވަކާލާތު ކުރާ 'އެސޯސިއޭޝަން ފޯ ޑިމޮކްރަސީ އިން ދަ މޯލްވިސް' އިން މިއަދު އެކްސްގައި ކުރި ޕޯސްޓެއްގައި ވެސް ލިޔެފައިވެ އެވެ.
ރިލްވާންގެ ބައްޕަ، އަބްދުﷲ މޫސާއަށް ސުވަރުގޭގެ ދާއިމީ ނިއުމަތް ދެއްވާށިއެވެ. pic.twitter.com/azz4Dt2hgB
— ADMv (@AssocDemocracy) August 25, 2024
ހއ. ދިއްދުއަށް އުފަން އަބްދުﷲއަކީ ވަރަށް މުރާލި މީހެކެވެ. އޭނާގެ މުޅި ހަޔާތް ވޭތުކުރީ ދޮންކެޔޮ ފަދަ އެއްޗެހި ވިއްކުމުގަ އެވެ. އެއް ދުވަސްވަރެއްގައި ބާޒާރުގައި އެންމެ ފުޅާ ދާއިރާއެއްގައި އެކި ރިސޯޓްތަކަށް ދޮންކެޔޮ ސަޕްލައިކުރި މީހުންގެ ތެރޭގައި ވެސް އަބްދުﷲ ހިމެނެ އެވެ. ކުރީގެ ލޯކަލް މާރުކޭޓްގައި ވަރަށް ގިނަ ދުވަސް ވަންދެން ގޮޅިއެއް ވެސް ހިންގި އެވެ.