ތ. ދިޔަމިގިލި: އެ ރަށު ކައުނސްިލިގެ ތިޖޫރީން ހަ ލައްކަ ރުފިޔާ މަދުވެފައިވާ ކަމަށް އޮޑިޓް ރިޕޯޓުން ދެއްކި
ދިޔަމިގިލީ ތިޖޫރިން ގެއްލުނު ފައިސާއަށްވީ ގޮތް ކައުންސިލަކަށް ވެސް ނޭނގޭ
ތ. ދިޔަމިގިލީ ކައުންސިލް އިދާރާގެ ތިޖޫރިން މަދުވެފައިވާ 600،000ރ.އަށް ނޭނގޭ ކަމަށް އެ ކައުންސިލުން މިއަދު ބުނެފި އެވެ.
ކިހިނެއް؟ - އެ ފައިސާ މަދުކަން ހާމަވީ އޮޑިޓާ ޖެނެރަލްގެ އޮފީހުގެ 2022 ވަނަ އަހަރުގެ ކޮމްޕްލަޔަންސް އޮޑިޓް ރިޕޯޓުންނެވެ.
ތަފްސީލް - އެކަމާ ގުޅޭ ގޮތުން ދިޔަމިގިލީ ކައުންސިލްގެ ރައީސް އަހްމަދު މޫސާ މިއަދު 'ދައުރު'އަށް ވިދާޅުވީ އެއީ 2020 އިން 2021އަށް ފައިސާ ހަރަދުކޮށްފައިވާ ގޮތުގެ ތަފްސީލް ކައުންސިލުން ބަލަހައްޓާފައި ނުވާތީ އެ ފައިސާއަށްވީ ގޮތުގެ ތަފްސީލް އަދި ނޭނގޭ ކަމަށެވެ. އެކަމާ ބެހޭ ގޮތުން ތަފްސީލް ދެވޭނީ އެ މައްސަލަ ތަހުގީގް ކުރުމަށް ފަހު ކަމަށް އޭނާ ވިދާޅުވި އެވެ.
އެ މައްސަލަ ބަލައި ތަހުގީގްކުރަން ކަމާ ބެހޭ އިދާރާތަކަށް ދޭން ޖެހޭ އެއްބާރުލުން ކައުންސިލުން ދޭނެ ކަމަށް ވެސް އަހްމަދު މޫސާ ވިދާޅުވި އެވެ.
އަހްމަދު މޫސާ އިތުރަށް ވިދާޅުވީ:
-
އެ މައްސަލަ ބަލައި ތަހުގީގް ކުރަން އެލްޖީއޭއާ ވާހަކަ ދައްކަމުން އެބަދޭ
-
މައްސަލަ ބެލުމަށް ފަހު ފިޔަވަޅު އަޅަން ޖެހޭ ފަރާތްތަކަށް ފިޔަވަޅު އަޅާނެ
-
ކައުންސިލަށް އިންތިހާބުވިއިރު އިދާރީ މައްސަލަތަކެއް ހުރި؛ އެކަންކަން ރަނގަޅު ކުރަން އަންނަނީ މަސައްކަތްކުރަމުން
-
އޮޑިޓް ރިޕޯޓުގައި ރަނގަޅު ކުރަން ލަފާ ދީފައި ހުރި ކަންކަން ރަނގަޅުކުރަން ކައުންސިލުން މަސައްކަތް ކުރާނެ
-
މިދިޔަ 25 އަހަރު ތެރޭގައި އޮޑިޓް ރިޕޯޓެއް ހެދި މިއީ ފުރަތަމަ ފަހަރު
އެނގުން މުހިންމު: އެ ކައުންސިލްގެ އޮޑިޓް ރިޕޯޓުގައިވާ ގޮތުން 2020 އިން ފެށިގެން މިދިޔަ 18 އޮކްޓޫބަރު 2023ގެ ނިޔަލަށް:
-
2020 ފެށުނުއިރު ބޭންކް އެކައުންޓަށް ޖަމާނުކޮށް ހުރި ފައިސާގެ އަދަދު 468،004ރ.އަށް އަރާ
-
ކައުންސިލްގެ އިދާރާއަށް ނަގުދު ފައިސާއިން ބަަލައިގެންފައިވާ އާމްދަނީގެ އަދަދު 397،052ރ.ގައި ހުރި
-
ހަރަދު ކުރުމަށް ކައުންސިލްގެ އިދާރާގެ ބޭންކު އެކައުންޓުން 1 މިލިއަނަށް ވުރެ ގިނަ ރުފިޔާ ނެގި
-
ކައުންސިލްގެ އިދާރާގައި ބަހައްޓައިގެން 2 މިލިއަނަށް ވުރެ ގިނަ ރުފިޔާ ރޯލްކުރި
-
ކައުންސިލްގެ އިދާރާގެ ބޭންކް އެކައުންޓަށް ކައުންސިލްގެ އިދާރާއިން 455،174ރ. ޖަމާކުރި
-
ނަގުދު ފައިސާއިން ކައުންސިލްގެ އިދާރާއިން 1.7 މިލިއަން ރުފިޔާ ހަރަދުކުރި
-
ތިޖޫރީގައި ހުންނަން ޖެހޭ ފައިސާގެ ތެރެއިން 605،438ރ. ގެއްލިފައިވޭ
ކޮމެންޓް (1)
ރޯނު އެދުރު