ބްރިޖު ކައިރީ އެކްސިޑެންޓެއްވެ 3 މީހުންނަށް އަނިޔާވެއްޖެ

ބްރިޖު ލައިޓު ކައިރީ ހިނގި އެކްސިޑެންޓެއްގައި ތިން މީހަކަށް އަނިޔާވެ ހޮސްޕިޓަލުގައި ފަރުވާ ދޭން ފަށައިފި އެވެ.

ވީ ކިހިނެއް؟ - ފުލުހުން މީޑިއާތަކަށް ފޮނުވި މެސެޖެއްގައި ބުނީ އެކްސިޑެންޓު ހިނގީ މިއަދު 5:26 ހާއިރު ކަމަށެވެ.

ތަފްސީލް - އެ އެކްސިޑެންޓުގައި ތިން މީހަކަށް އަނިޔާވި ކަމަށް ފުލުހުން ބުންޏެވެ.

އޭގެ ތެރެއިން އެއް ސައިކަލު ދުއްވަން އިން21 އަހަރުގެ ފިރިހެން މީހާ އާއި އޭނާގެ ފަހަތުގައި އިން 19 އަހަރުގެ އަންހެން މީހާ އަށް އައިޖީއެމްއެޗުގައި ފަރުވާ ދެމުންދާ ކަމަށާއި އަނެއް ސައިކަލުގައި އިން43 އަހަރުގެ ފިރިހެން މީހާ އަށް އޭޑީކޭ ހޮސްޕިޓަލުގައި ފަރުވާ ދެމުންދާ ކަމަށް ފުލުހުން ބުންޏެވެ.

އެމީހުންނަށް ލިބުނު އަނިޔާގެ ތަފްސީލެއް ސާފެއް ނުވެ އެވެ.

ފުލުހުން ބުނީ އެކްސިޑެންޓު އިތުރަށް ތަހުގީގު ކުރަމުންދާ ކަމަށެވެ.