ހަތަރު ދުވަހުން މާލެއަށް މަސްދުވަހުގެ ވާރޭ ވެހިއްޖެ

އަލް ޖަޒީރާއިން ލަފާކޮށްފައިވާ ގޮތަށް، މިދިޔަ ހަތަރު ދުވަހުގެ ތެރޭގައި، މާލެއަށް އެއް މަސްދުވަހުގެ ވާރޭ ވެހުނު ކަމަށް ތަފާސްހިސާބުތަކުން ދައްކައިފި އެވެ.

ވީ ކިހިނެއް؟ - އެކަން ފާހަގަކޮށް، އަލް ޖަޒީރާގެ މޫސުން ހުށަހަޅައިދޭ ޕްރެޒެންޓަރު ޖެފް ހެރިންޓަން މިއަދު އެކްސްގައި ވަނީ ޕޯސްޓެއް ކޮށްފަ އެވެ.

އެ ޕޯސްޓުގައި އޭނާ ފާހަގަކުރި ގޮތުގައި:

ފާހަގަކޮށްލެވޭ - އާދަޔާ ހިލާފަށް ގިނައިން މި ހަފްތާގައި ރާއްޖެއަށް ވިއްސާރަކުރަމުންދާ އިރު، އަންގާރަ ދުވަހުން ފެށިގެން ތިން ދުވަހުގެ ތެރޭގައި ރާއްޖެއަށް މަހެއްހާ ދުވަހުގެ ވާރޭ ވެހިދާނެ ކަމަށް މިދިޔަ ހޯމަދުވަހު އަލް ޖަޒީރާއިން ނެރުނު މޫސުމީ ރިޕޯޓެއްގައި ލަފާކުރި އެވެ.

އޭރު ރާއްޖޭގެ މޫސުމާ ބެހޭ އިދާރާ، މެޓް އޮފީހުން ވެސް ވަނީ މޫސުން ގޯސްވާނެ ކަމަށް ލަފާކޮށް ސަމާލުވާން އަންގާފަ އެވެ. ނަމަވެސް މެޓުން އޭރު 'ދައުރު'އަށް ބުނީ، އަލް ޖަޒީރާއިން ލަފާކުރާ ފަދަ އާދަޔާހިލާފު ކަމެއް ފާހަގަވެފައި ނެތް ކަމަށެވެ.

އެނގުން މުހިއްމު - މި ހަފްތާގައި ރާއްޖެއަށް ކުރަމުންދާ ވިއްސާރައިގައި މާލޭގެ އިތުރުން އުތުރުގެ ބައެއް ރަށްރަށަށް ވެސް އާދަޔާހިލާފަށް ގިނައިން ވާރޭ ވެހުނެވެ. އެގޮތުން، 24 ގަޑިއިރު ތެރޭ ހއ. ކެލައަށް ވެހުނު 231.5 މިލިމީޓަރުގެ ވާރެއަކީ ރާއްޖޭގެ ތާރީހުގައި ވެސް އާ ރެކޯޑެކެވެ.

މި ހަފްތާ ނިމެންދެން ރާއްޖޭގެ ބޮޑު ބަޔަކަށް ގުގުރުމާ އެކު ވިއްސާރަކުރާނެ ކަމަށް މޫސުމާ ބެހޭ އިދާރާއިން ލަފާކުރެ އެވެ. މެޓުން އަންގާރަ ދުވަހު ހެނދުނު ބުނިގޮތުގައި، މި ވިއްސާރައިގައި:

މޫސުމަށް ސަމާލުވެ ރައްކާތެރިކަމުގެ ފިޔަވަޅުތައް އެޅުމަށާއި ކޮންމެހެން ކުރަން ޖެހިގެން ނޫނީ ކަނޑު ދަތުރު ނުކުރުމަށް އަދި ދަތުރުކުރާ ނަމަ ސަލާމަތީ ކަންކަމަށް އިސްކަންދިނުމަށް ކަމާ ބެހޭ އިދާރާތަކުން ވަނީ އިލްތިމާސްކޮށްފަ އެވެ.