ކޭ-ޕާކުގެ މައްސަލަ: މަމްދޫހު އާއި ޖައިޝާންގެ މައްޗަށް ކުރާ 202 ދައުވާގެ ޝަރީއަތް ފަށައިފި

ކޭ-ޕާކް ރެސިޑެންސްގެ ފްލެޓްތައް މަކަރާއި ހީލަތުން ވިއްކާފައިވާ ކަމަށް ތުހުމަތުކުރެވޭ މައްސަލައިގައި އެތަނުގެ އެއް ހިސާދާރު މުހައްމަދު މަމްދޫހު (ކޭޕާކް މަންޑޭ) އާއި އިތުރު މީހެއްގެ މައްޗަށް ދައުލަތުން ކޮށްފައިވާ 200 އަށް ވުރެ ގިނަ ދައުވާގެ ޝަރީއަތް މިއަދު ކްރިމިނަލް ކޯޓުގައި ފަށައިފި އެވެ.

ވީ ކިހިނެއް؟ - މި މައްސަލާގައި ދައުލަތުން މަމްދޫހުގެ މައްޗަށް 104 ދައުވާއަކާއި ޖައިޝާން ސައީދު، ރ.އަލިފުށި/ކިނާރާގެ މައްޗަށް 98 ދައުވާއެއް ކުރެ އެވެ. 

މި ދެ މީހުންގެ މައްޗަށް ތުހުމަތުކުރަނީ މަމްދޫހު އިސްކޮށް ހުރެ، ކޭޕާކުގެ 41 އެޕާޓްމަންޓް 107 މީހުންނަށް ވިއްކާފައިވާ ކަމަށެވެ. ޕްރޮސެކިއުޓާ ޖެނެރަލް (ޕީޖީ) އޮފީހުން މި މައްސަލައިގައި ފަސް ބާވަތެއްގެ ދައުވާ ކުރެ އެވެ. އެއީ:

ތަފްސީލް - މި މައްސަލައިގެ އަޑުއެހުންތައް ފަށަން މިއަދު ކްރިިމިނަލް ކޯޓުގައި ބޭއްވި އިބްތިދާއީ އަޑުއެހުމުގައި ކުރިއަށްދިޔައީ ލިޔެކިއުންތައް ލިބިފައިވޭތޯ އާއި ކުރިއަށް ދާން ބޭނުންވަނީ ވަކީލަކާ އެކުތޯ ނުވަތަ ނޫންތޯ ސާފުކުރުމެވެ. 

އަޑުއެހުމުގައި ދެ މީހުންގެ ފަރާތުން ވެސް ބުނީ، ކުރިއަށްދާން ބޭނުންވަނީ ވަކީލަކާ އެކު ކަމަށެވެ. އަދި ވަކީލަކު ހަމަޖައްސަން ބޭނުންވަނީ އަމިއްލައަށް ކަމަށް ބުންޏެވެ. މި މައްސަލަ ބައްލަވާ ގާޒީ އަލީ ނަދީމް ވިދާޅުވީ ލިޔެކިއުންތައް ހަވާލުކޮށްފައިވާތާ ވެސް ގިނަ ދުވަސްތަކެއް ވެފައިވާތީ ދެން ވަކީލަކު ހަަމަޖައްސަން ދެވޭނީ 10 ދުވަސް ކަމަށެވެ.

ގާޒީ ނިންމެވީ:

މި މައްސަލައިގެ ދެވަނަ އަޑުއެހުން 10 ދުވަސް ފަހުން ބޭއްވުމަށް

އެހާތަނަށް ދެ މީހުންގެ ފަރާތުން ވަކީލަކު ހަމަޖައްސާފައިނުވި ނަމަވެސް މައްސަލަ ކުރިއަށް ގެންދިޔުމަށް

ފަސްމަންޒަރު - ހުޅުމާލޭގައި ކޭ-ޕާކް ފްލެޓްތައް ހަދަމުން އަންނަ ހަންބޯ މޯލްޑިވްސް ކުންފުނީގެ ކަސްޓަމަރުންނަށް ނުއަގުގައި ފްލެޓް ވިއްކައި އެ ކުންފުންޏަށް ނޭނގި މީހުން އަތުން ގިނަ އަދަދެއްގެ ފައިސާ ނެގި ކަމަށް ތުހުމަތުކުރެވޭ މައްސަލަ ފެންމަތިވީ މިދިޔަ އަަހަރުގެ އޭޕްރީލް މަހުގެ ފަހުކޮޅު އެވެ. އެ ކުންފުނިން އޭރު ނެރުނު ބަޔާނެއްގައި ބުނި ގޮތުގައި:

މި މައްސަލަ ފެންމަތިވެފައި ވަނިކޮށް މަމްދޫހު ބޭރަށް ފުރަން މަސައްކަތް ކުރަނިކޮށް، މިދިޔަ އަހަރުގެ 5 ޖުލައިގައި ހައްޔަރުކުރި އެވެ. ނަމަވެސް، އެ މަހުގެ 30ގައި ހުޅުމާލޭ ކޯޓުން ނެރުނު އަމުރެއްގެ ދަށުން ޕާސްޕޯޓު ހިފެހެއްޓުމަށް ފަހު، އޭނާ ވަނީ ބަންދުން ދޫކޮށްލާފަ އެވެ.

މި މައްސަލައިގައި ތަހުގީގަށް އެއްބާރުލުންނުދީ ހެކި ނައްތާލުމަށް މަމްދޫހު މަސައްކަތް ކުރަމުންދާ ކަމަށް ހަންބޯ ކުންފުނިން މީގެ ކުރިން ވަނީ ތުހުމަތުކޮށްފަ އެވެ.

ގުޅުންހުރި - ކޭ-ޕާކްގެ ފްލެޓްތައް މަކަރާއި ހީލަތުން ނުއަގުގައި ވިއްކައިގެން ހޯދާފައިވާ ކަމަށް ބެލެވޭ މުދާތަކެއް މިދިޔަ އަހަރުގެ 19 ނޮވެމްބަރުގައި ފުލުހުން އަތުލައިގަތެވެ. ޕްރޮސެކިއުޓާ ޖެނެރެލް ހުސެއިން ޝަމީމް ވިދާޅުވެފައިވެފައިވާ ގޮތުގައި އެ ތަކެތީގެ އަގު 7 މިލިއަން ރުފިޔާއަށް އަރަ އެވެ. މިތަކެތި އަނބުރާ ހޯދަން މަމްދޫހު ހައި ކޯޓާ ހިސާބަށް ދިޔަ ނަމަވެސް ހައި ކޯޓުން ވެސް ނިންމީ އެފަދަ އަމުރެއް ދެވެން ނެތް ކަމަށެވެ.