އެމްސީބީއަށް 2 މިލިއަން ރުފިޔާ ދައްކަންޖެހޭ މައްސަލާގައި ސުޕްރީމް ކޯޓުން ވެސް އަލީ ޒާހިރަށް ނާކާމިޔާބުވެއްޖެ

މޮރިޝަސް ކޮމާޝަލް ބޭންކް (އެމްސީބީ) އަށް 2.3 މިލިއަން ރުފިޔާ ދައްކަން ރައީސް އޮފީހުގެ ކުރީގެ ޗީފް އޮފް ސްޓާފް އަލީ ޒާހިރުގެ މައްޗަށް ހައި ކޯޓުން ކުރި ހުކުމަށް ސުޕްރީމް ކޯޓުން ވެސް މިއަދު ތާއީދުކޮށްފި އެވެ.

މައްސަލައިގެ ފެށުން - އަލީ ޒާހިރުގެ ނަމުގައި އެމްސީބީގައި ހުޅުވާފައި ހުރި އެކައުންޓަށް 8 ފެބްރުއަރީ 2016ގައި އަބްދުالله ނަސީރު މުހައްމަދު ނަމަކަށް ކިޔާ މީހަކު 4.12 މިލިއަން ރުފިޔާގެ ޗެކެއް ޑިޕޮޒިޓް ކުރިކަމުގެ ލިޔުން އަލީ ޒާހިރާ ހަވާލުކުރުމުން، އޭނާގެ އަމިއްލަ އެކައުންޓުން 2.3 މިލިއަން ރުފިޔާގެ ޗެކެއް ނަސީރަށް ދޫކުރެއްވި އެވެ. އެގޮތުން:

ވީ ކިހިނެއް؟ - ބޭންކުން ފައިސާ ދެއްކުމަށް އަންގައި ފޮނުވި ސިޓީއަކީ ބާތިލު ސިޓީއެއް ކަމަށާއި އެ ފައިސާއަށް އޭނާ ޒިންމާވާން ނުޖެހޭނެ ކަމަށް ކަނޑައަޅައިދިނުމަށް އެދި އަލީ ޒާހިރުގެ ފަރާތުން ސިވިލް ކޯޓަށް މައްސަލަ ހުށަހެޅި އެވެ. 

ނަމަވެސް ސިވިލް ކޯޓުން ހުކުމް ކުރީ އެ ފައިސާ އަނބުރާ ހޯދުމަށް އަޅަންޖެހޭ ފިޔަވަޅެއް އެޅުމުގެ ހައްގު ބޭންކަށް ލިބިގެން ނުވާ ގާނޫނީ އަދި ޝަރުއީ ސަބަބެއް ދެއްކިފައި ނުވާތީ ސިޓީ ބާތިލު ކުރަން ޖެހޭ ސަބަބެއް ނެތް ކަމަށެވެ. އެ ނިންމުން ހައި ކޯޓުގައި އިސްތިއުނާފް ކުރުމުން އެ ކޯޓުން ވެސް މައްސަލަ ނިމުނީ އޭނާއާ ދެކޮޅަށެވެ.

ތަފްސީލް - ހައި ކޯޓުގެ ނިންމުމާ މެދު ހިތްހަމަ ނުޖެހިގެން ސުޕްރީމް ކޯޓުގައި އަލީ ޒާހިރުގެ ފަރާތުން އިސްތިއުނާފް ކޮށްފައިވާ މައްސަލާގައި އެ ކޯޓުން މިއަދު އިއްވި ހުކުމުގައި ވެސް ބުުނީ ހައި ކޯޓުގެ ނިންމުން ބާތިލުކުރާނެ ތަނެއް ނެތް ކަމަށެވެ. އެގޮތަށް ނިންމީ އެ ކޯޓުގައި މި މައްސަލަ ބެއްލެވި ތިން ފަނޑިޔާރުންގެ ތެރެއިން ދެ ފަނޑިޔާރެއްގެ އަގުލަބިއްޔަތުންނެވެ.

ސުޕްރީމް ކޯޓުގެ ނިންމުމުގައި ވާގޮތުން:

މި މައްސަލާގައި ރައުޔު ތަފާތުވީ ފަނޑިޔާރު އަލީ ރަޝީދު ހުސެއިންގެ އެކަންޏެވެ. އޭނާގެ ރައުޔުގައި ވިދާޅުވީ އެ މައްސަލާގައި ދަށު ކޯޓުން ނިންމާފައިވާ ނިންމުންތަކަކީ ބޭންކުގައި އަމަލުކުރަމުން އަންނަ ގަވާއިދުތަކާއި އުސޫލުތަކާ ހިލާފަށް ނިންމާފައިވާ ނިންމުމެއްކަމުން އެ ފަައިސާ އަލީ ޒާހިރު ދައްކަން ނުޖެހޭނެ ކަމަށެވެ.