22 މެއި 2024: ވިއްސާރަ ދުވަހެއްގައި ލޯންޗެއް ދަތުރުކޮއްފައި ދަނީ (ދައުރު ފޮޓޯ/ އަބްދުﷲ އަނޫފް ޖުނައިދް)
ބޮޑު ބަޔަކަށް މޫސުން ގޯސް؛ ވިލާގަނޑުގައި 50 މޭލަށް ވައިގަދަވާނެ
ރާއްޖޭގެ ބޮޑު ބަޔަކަށް ވިއްސާރަވާނެ ކަމަށް ލަފާކޮށް ހއ. އިން ފެށިގެން ތ. އަތޮޅާއި ހަމައަށް ވައިޓް އެލާޓު މިއަދު ނެރެފި އެވެ.
ވީ ކިހިނެއް؟ - މޫސުމާ ބެހޭ ގައުމީ އިދާރާ (މެޓު އޮފީސް) އިން ލަފާކޮށްފައިވަނީ މިއަދު މެންދުރުފަހު 1 ޖެހުމާ ހަމައަށް އެ ސަރަހައްދުގެ މޫސުން ގޯސްވާނެ ކަމަށެވެ.
ތަފްސީލު - މެޓުން ލަފާކޮށްފައިވަނީ:
-
އެ ސަރަހައްދުތަކަށް ބޯކޮށް ވާރޭވެހުމާ އެކު ގުގުރާނެ
-
ވައިޖެހޭނެ ކަމަށް ލަފާކޮށްފައިވަނީ ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި
-
ވިލާގަނޑުގައި 50 މޭލަށް ވައިގަދަވެ ކަނޑުތައް ވެސް ގަދަވާނެ
-
ރާޅުގެ އުސްމިން ހުންނާނެ ކަމަށް ލަފާކޮށްފައިވަނީ 4-7 ފޫޓާ ދެމެދުގައި
ފާހަގަ ކުރެވޭ - މިއަދަކީ އީދު ޗުއްޓީއަށް ފަހު ގިނަ ބަޔަކު ޗުއްޓީ ނިންމައި މާލެ އަދި ރަށްރަށަށް ދަތުރު ކުރާ ދުވަހެކެވެ. ވައިގަދަވުމާ އެކު ކަނޑުތައް ގަދަވާނެތީ ކަނޑުދަތުރުކުރާ ފަރާތްތަކުން މޫސުމަށް ސަމާލުވުމަށް މެޓުން އިލްތިމާސް ކުރެ އެވެ.